კომპანია „პროდიუს ინვესტი“ საბურთალოს რაიონში, ფარნავაზ მეფის გამზირის მიმდებარედ თანამედროვე სკვერს მოაწყობს – შესაბამის მემორანდუმს საბურთალოს რაიონის გამგებელმა ბექა მიქაუტაძემ და კომპანიის დირექტორმა ამირან წკრიალაშვილმა მოაწერეს ხელი.
მემორანდუმის ხელმოწერას დიდი დიღომი-ვაშლიჯვრის სამოქალაქო მრჩეველთა საბჭოს წევრები ესწრებოდნენ, რომლებიც ყველა ეტაპზე ჩართულები იქნებიან პროექტის განხორციელებაში.
ბექა მიქაუტაძის განცხადებით, სასიამოვნოა, რომ მის შეთავაზებას ბიზნესისადმი, ჩართულიყვნენ რაიონის კეთილმოწყობის აქტივობებში, კიდევ ერთი გამოხმაურება მოჰყვა და უკვე სახეზეა კონკრეტული პროექტი, რომლის განხორციელებაც უახლოეს პერიოდში დაიწყება.
„მინდა მადლობა გადაგიხადოთ თქვენი გადაწყვეტილებისათვის, რომ დიდ დიღომს კიდევ ერთი ლამაზი და ახალი სკვერი შემატოთ. ასევე მინდა მადლობა ვუთხრა სამოქალაქო მრჩეველთა საბჭოს, რომელიც აქტიურად არის ჩართული გამგეობის კონკრეტულ სამუშაოებში და ეს თანამშრომლობა ჩვენთვის მნიშვნელოვანი მოტივატორია,“ – განაცხადა ბექა მიქაუტაძემ.
კომპანია „პროდიუს ინვესტის“ ხელმძღვანელის განცხადებით, სკვერის კონცეფციასა და პროექტს ისინი უახლოეს დღეებში სამოქალაქო მრჩეველთა საბჭოსთან ადგილზე განიხილავენ და ყველასათვის მისაღებ ვერსიას ერთად შეარჩევენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.