„ქართული ოცნების” თბილისის მაჟორიტარი დეპუტატობის კანდიდატების დასახელებას ეხმაურება ”ერთიანი ნაციონალური მოძრაობის” საარჩევნო სიის ათეულის წარმომადგენელი ირაკლი აბესაძე. იგი აცხადებს, რომ "ქართული ოცნების” მხარდამჭერსაც ვერ იპოვით, რომელიც იტყვის, რომ ამ ადამიანებმა ამ რაიონის, თბილისელების და საქართველოს მოსახლეობისთვის რაიმე სასარგებლო გააკეთეს".

„ქართული ოცნების” თბილისის მაჟორიტარების კანდიდატები არის კიდევ ერთი დადასტურება, რომ ამ პოლიტიკურ გაერთიანებას მოსახლეობის პრობლემების მოგვარების არანაირი ხედვა არ გააჩნია. ”ოცნების” მხარდამჭერებშიც ვერ იპოვით ადამიანს, რომელიც იტყვის, რომ მაგალითად, პაპუაშვილმა, რომელიც მთაწმინდის რაიონში იყო დეპუტატი, შოთა ხაბარელმა, რომელიც კრწანისის რაიონში იყო დეპუტატი, ამ რაიონებისთვის რაიმე გააკეთეს. წარადგინეს კანდიდატები, რომლებიც წარმოადგენდნენ თბილისის სხვადასხვა რაიონებს. მაგალითად: ბატონი პაპუაშვილი, რომელიც მთაწმინდის რაიონში იყო დეპუტატი, ბატონი შოთა ხაბარელი, რომელიც კრწანისის რაიონში იყო დეპუტატი და ”ქართული ოცნების” მხარდამჭერსაც ვერ იპოვით, რომელიც იტყვის, რომ ამ ადამიანებმა ამ რაიონის, თბილისელების და საქართველოს მოსახლეობისთვის რაიმე სასარგებლო გააკეთეს. ”ოცნებას” სურს, რომ კორუფცია და პირად ინტერესებზე ზრუნვა გააგრძელოს, მაგრამ ეს 8 ოქტომბერს აუცილებლად დასრულდება”, - განაცხადა ირაკლი აბესაძემ ჟურნალისტებთან თემის კომენტირებისას.