„ძველ დროში ბერძენიშვილი, მე და ალბათ ყველანი პირდაპირ ვიყავით „შნურით“ მოსკოვზე მიერთებული, ახლა „ოცნებელმა“ კოლეგებმა აღმოაჩინეს, რომ მოსკოვთან პირდაპირი კავშირი დავკარგეთ და ნინო ბურჯანაძის გავლით გვაქვს კავშირი თურმე - ეს აღმოაჩინეს ამ 4-წლის განმავლობაში ბარაქალა!“, - განაცხადა პარლამენტის თავმჯდომარემ, „რესპუბლიკური პარტიის“ სიის პირველმა ნომერმა, დავით უსუფაშვილმა ჟურნალისტებთან საუბრისას.

აღნიშნულით უსუფაშვილი დეპუტატ ირაკლი სესიაშვილს გამოეხმაურა, რომელმაც განაცხადა, რომ ბურჯანაძე-უსუფაშვილი შეხმატკბილებულები არიან და საპარლამენტო უმრავლესობა მათი პიარდუეტის ნაწილი არ უნდა გახდეს.

„მაშინ ნინო ბურჯანაძე იყო პარლამენტის თავმჯდომარე, როცა თურმე ლევან ბერძენიშვილი „შნურით“ იყო მოსკოვზე მიერთებული და ახლა „ოცნებელი“ კოლეგები გველაპარაკებიან ამას?! როგორც ჩანს, ახლა პირდაპირი კავშირი აღარ გვაქვს, ეს არის განსხვავება“, - განაცხადა უსუფაშვილმა.