თურქეთის აღმოსავლეთით, ბოლო 24 საათის განმავლობაში მეორე აფეთქება მოხდა.
„როიტერსის“ ცნობით, ელიზიგის პროვინციაში პოლიციის შენობასთან დანაღმული ავტომობილი აფეთქდა, რის შედეგადაც სულ მცირე 3 ადამიანი დაიღუპა, 50-ზე მეტი კი დაიჭრა.
თურქული საინფორმაციო სააგენტო „დოღანის“ ინფორმაციით, აღნიშნული აფეთქების უკან დაჯგუფება „ქურთების მუშათა პარტია“ დგას.
თურქეთის აღმოსავლეთით, ირანის საზღვართან ახლოს, ვანის პროვინციაში პოლიციის შენობასთან, ტერორისტებმა დანაღმული ავტომობილი გუშინაც ააფეთქეს, რის შედეგადაც სულ მცირე 3 ადამიანი დაიღუპა, 40-ზე მეტი კი დაშავდა. დაშავებულთა შორის უმეტესობა მშვიდობიანი მოსახლეობაა. უცხოური მედიის ცნობით, პოლიცია მსხვერპლისა და დაშავებულების რაოდენობის ზრდას ვარაუდობს. სამართალდამცველებმა სპეცოპერაციის შედეგად თავდასხმაში ეჭვმიტანილი ერთი პირი დააკავეს. ადგილობრივმა ხელისუფლებამ მომხდარს ტერაქტის კვალიფიკაცია მიანიჭა და პასუხისმგებლობა დაჯგუფება „ქურთების მუშათა პარტია“ დააკისრა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.