"ყატარის ავიახაზების" თვითმფრინავმა სტამბულის ათათურქის აეროპორტში ავარიული დაშვება განახორციელა მას შემდეგ, რაც მისი აფრენის მექანიზმები დაზიანებული აღმოჩნდა, განაცხადა აეროპორტის ოფიციოზმა.
ბრიტანული "გარდიანის" ცნობით, ოფიციოზი ჯერჯერობით ვერ ადასტურებს CNN Turk –ის მიერ გავრცელებულ ინფორმაციას იმის შესახებ რომ თვითმფრინავის ერთ–ერთ ძრავას ცეცხლი გაუჩნდა.
ბრიტანული გამოცემა წერს, რომ თვითმფრინავი, "ეარბას 330", რომელიც დოჰას მიმართულებით უნდა გაფრენილიყო, სტამბულის აეროპორტში უსაფრთხოდ დაეშვა და მგზავრები ნორმალურად ჩამოვიდნენ ხომალდიდან, განაცხადა "ყატარის ავიახაზებმა".
Guardian.ge-ს "ყატარის ავიახაზების" დოჰას სათავო ოფისში ცოტა ხნის წინათ განუცხადეს, რომ ინციდენტის მიზეზი ჩიტი გახდა.
"ყატარის ავიახაზები ადასტურებს, რომ დღეს სტამბულიდან დოჰას მიმართულებით რეისმა QR240 განიცადა შეჯახება ფრინველთან. რეისი უსაფრთხოდ დაბრუნდა სტამბულის აეროპორტში.
298 მგზავრი და 14 ბორტ გამცილებელი მშვიდობიანად იქნა გადმოყვანილი. ყატარის ავიახაზები აგზავნის შემცვლელ ბორტს სტამბულში. მგზავრების მოთხოვნები, მათ შორის მათი დანიშნულების ადგილამდე გადაყვანა უზრუნველყოფილი იქნება "ყატარის ავიახაზების" მიერ. ჩვენი მგზავრების უსაფრთხოება ჩვენი უმთავრესი პასუხისმგებლობაა. ბორტის პილოტი მოქმედებდა უსაფრთხოების ზომებისა და პროცედურების დაცვით", – განუცხადეს Guardian.ge–ს "ყატარის ავიახაზებში".
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.