თურქეთის აღმოსავლეთ პროვინციებში ბოლო 24 საათის განმავლობაში მომხდარი 3 აფეთქების შემდეგ ხელისუფლებამ ტერორისტული საფრთხის დონის გაზრდის გადაწყვეტილება მიიღო.

ამის შესახებ პრემიერ-მინისტრმა, ბინალი ილდირიმმა განაცხადა, რომელიც დღეს მთავრობის სხვა წარმომადგენლებთან პროვინცია ელიზიგს ეწვია, სადაც რამდენიმე საათის წინ ძლიერი აფეთქება მოხდა. ელიზიგაში, დანაღმული ავტომობილის აფეთქების შედეგად, დაღუპულთა რიცხვი - 8-მდე, დაზარალებულთა რიცხვი კი 217-მდე გაიზარდა, 14 მათგანის მდგომარეობა კრიტიკულია.

ბოლო 24 საათის განმავლობაში თურქეთში 3 ძლიერი აფეთქება მოხდა. სამივეჯერ დანაღმული ავტომობილი აფეთქდა.

პირველი აფეთქება  თურქეთის აღმოსავლეთით, ირანის საზღვართან ახლოს, ვანის პროვინციაში პოლიციის შენობასთან მოხდა, რის შედეგადაც სულ მცირე 3 ადამიანი დაიღუპა, 40-ზე მეტი კი დაშავდა; მეორე აფეთქება თურქეთის აღმოსავლეთით ელიზიგის პროვინციაში ასევე პოლიციის შენობასთან მოხდა; მესამე კი - აღმოსავლეთ პროვინცია ბითლისში მოხდა, რა დროსაც სულ მცირე 3 ჯარისკაცი დაიღუპა და 6 დაშავდა.

არსებული ინფორმაციით, აღნიშნული აფეთქებების უკან დაჯგუფება „ქურთების მუშათა პარტია“ დგას.