პოლიტიკა არის ბრძოლა, არჩევნები არის ომი, ომში დემოკრატია ნაკლებად არის, ომში არსებობს ვერტიკალი და ამ ვერტიკალის და გადაწყვეტილების შესაბამისად კონკრეტული მოქმედებები, - განაცხადა კოალიცია ”სახელმწიფო ხალხისთვის” ერთ-ერთმა, ლიდერმა მამუკა კაციტაძემ.
”2 დღის წინ მივიღეთ უაღრესად მნიშვნელოვანი პოლიტიკური გადაწყვეტილება ძალიან სერიოზული და ბრძოლისუნარიანი პოლიტიკური ბლოკის შექმნის თაობაზე. ამაზე მეტყველებს ის საყოველთაო აგონია, რაც გამოიწვია ამ ბლოკის შექმნამ. ჩვენ დავიწყეთ უკვე კონკრეტული მოქმედება. დღეს გვქონდა შეხვედრა თბილისის 22 ოლქის შტაბებთან. ჩვენ უახლოეს დღეებში დავიწყებთ კონკრეტულ ღონისძიებებს”, - აღნიშნა კაციტაძემ.
პოლიტიკური მოძრაობა "პაატა ბურჭულაძე სახელმწიფო ხალხისთვის“ ლიდერმა დღეს თბილისის ორგანიზაციის ხელმძღვანელებთან გაცნობითი ხასიათის საინფორმაციო შეხვედრა გამართა.
ლიდერებმა თანაპარტიელებს წინა საარჩევნო სამოქმედო გეგმა გააცნეს, ასევე თბილისის ორგანიზაციის ხელმძღვანელებთან საარჩევნო პროგრამის ძირითადი ნაწილები განიხილეს და თბილისის მაშტაბით კონკრეტული ღონისძიებები დაგეგმეს.
პარტიაში აქტიურად მიმდინარეობს განხილვები მაჟორიტარი დეპუტატობის კანდიდატების ახალ სიაზე. შეხვედრას გიორგი ვაშაძე, მამუკა კაციტაძე და ზურაბ ჯაფარიძე ესწრებოდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.