„ცენტრისტების“ წევრები თემურ ხაჩიშვილი და ლადო ბედუკაძე არჩევნებში მონაწილეობას „საქართველოს კომუნისტური პარტია – სტალინელების“ სახელით მიიღებენ.

„რა სახელით მივიღებთ არჩევნებში მონაწილეობას და ვინ იქნება ჩვენი პარტიის ლიდერი, ამას ძალიან მალე გაიგებთ. მიმდინარეობს ტექნიკური სამუშაოები. რაც შეეხება ჩვენს გაერთიანებას, ეს რა თქმა უნდა გამოიწვია საერთო ღირებულებებმა და ფასეულობებმა. ჩვენზე მიმდინარეობს მიმანმიმართული ბრძოლა და ხელისუფლებას მოვუწოდებ ხელი არ შეგვიშალონ ისე, როგორც ამას ჰქონდა ადგილი.

სამწუხაროდ, ჩვენ არ გვაცადეს საზოგადოებისთვის მიგვეწოდებინა სწორი ინფორმაცია, თუ რას განვახორციელებთ და ათწამიანი რეკლამის გამო დაიწყეს ჩვენს წინააღმდეგ ბრძოლა. ყველა ის დაპირება, რომელსაც ჩვენ გავცემდით, რჩება ძალაში, ეს იმას არ ნიშნავს, რომ ჩვენ ვიქნებით რუსეთის მონები, მაგრამ მათთან გვექნება კარგი ურთიერთობა. ჩვენი ხელისუფლებაში მოსვლის შემთხვევაში ერთი წლის თავზე ყველა დევნილი დაუბრუნდება საკუთარ საცხოვრებელ ადგილს. არ გვექნება ოკუპირებული ტერიტორიები“, - აცხადებს თემურ ხაჩიშვილი.