„ეროვნულმა ფორუმმა“ მაჟორიტარი კანდიდატები წარადგინა. პრეზენტაცია პარტიის ლიდერმა კახა შარტავამ გამართა.
მაჟორიტარი კანდიდატების შემადგენლობა ასეთია: დიდუბის # 15 მაჟორიტარულ ოლქში დიპლომატი შოთა იამანიძე იყრის კენჭს, ნაძალადევის # 17 მაჟორიტარულ ოლქში იურისტი თამარ ციხისელი, გლდანის # 20 მაჟორიტარულ ოლქში პედაგოგი გიული შენგელია, თელავი-ყვარელის # 27 მაჟორიტარულ ოლქში იურისტი გელა გელაშვილი, ქარელის # 40 მაჟორიტარულ ოლქში ჟურნალისტი ნანა ქვრივიშვილი, დმანისი-წალკის # 34 მაჟორიტარულ ოლქში ეკონომისტი ალექსანდრე ნონიაშვილი, გორის # 41 მაჟორიტარულ ოლქში ეკონომისტი გურამ მჭედლიძე, ფოთის # 61 მაჟორიტარულ ოლქში სამართალმცოდნე ოთარ ხარჩილავა, ისნის # 8 მაჟორიტარულ ოლქში ჟურნალისტი ბესიკ ჩუბინიძე.
„ეს ადამიანები მართალია არ ჩანდნენ ფართოდ ეკრანებზე, თუმცა, წლების განმავლობაში იყვნენ იქ, სადაც არის საზოგადოება. ისინი იყვნენ აქტიური მოქალაქეები და „ეროვნული ფორუმის“ ცხოვრებაში მათ ძალიან დიდი როლი აქვთ. პრინციპი არის მარტივი - ნამდვილი ადამიანები ნამდვილი საქართველოსთვის იბრძოლებენ და შექმნიან ძლიერ, ეროვნულ სახელმწიფოს“, - განაცხადა კახა შარტავამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.