დედაქალაქის მერიის კეთილმოწყობის საქალაქო სამსახურის უფროსის, გივი კუბლაშვილის განცხადებით, თბილისში, ბარნოვის ქუჩის სრული რეაბილიტაციისათვის ბიუჯეტიდან 1 130 000 ათასი ლარი დაიხარჯება.
სამუშაოები დღეს თბილისის მერმა, დავით ნარმანიამ ვიცე-მერთან, ლაშა აბაშიძესთან და გივი კუბლაშვილთან ერთად დაათვალიერა.
ადგილზე მიწისქვეშა კომუნიკაციების შეცვლის პროცესი მიმდინარეობს და სპეციალური ტექნიკა მუშაობს.
როგორც ჟურნალისტებთან საუბრისას გივი კუბლაშვილმა განაცხადა დაახლოებით 2 კილომეტრამდე სიგრძის ბარნოვის ქუჩის სრული რეაბილიტაცია 15 სექტემბრამდე დასრულდება.
მისივე ცნობით, წელს სულ გზის კაპიტალურ შეკეთებაზე 52 მილიონი ლარი დაიხარჯება, საიდანაც თანხები 2 ახალი გზის მშენებლობისთვისაა გათვალისწინებული, კერძოდ, მახათა-სამების ახალი გზის მშენებლობა უკვე დასრულდა, ხოლო კრწანისი-შინდისის ახალი გზის მშენებლობის სამუშაოები სექტემბრის ბოლოსთვის დასრულდება. კუბლაშვილის ინფორმაციით, თბილისში ასევე დაგეგმილი რამდენიმე ქუჩის გზის შეკეთების სამუშაოები.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.