პრემიერის განცხადებაში იყო ძალიან საინტერესო წინადადება, რომ სოსო ჯაჭვლიანი საერთაშორისო ურთიერთობებში დაგვეხმარებაო, ერთადერთი შემიძლია ვთქვა, ”იბიარდთან” არ გააკარონ, - ასე გამოეხმაურა ”უსუფაშვილი - რესპუბლიკელების” ზესტაფონის მაჟორიტარობის კანდიდატი თინა ხიდაშელი მთავრობის სხდომაზე გავრცელებულ ინფორმაციას, ”მთის კურორტების განვითარების კომპანიაში” სახელმწიფო შპს-ს შექმნის შესახებ, რომელსაც სოსო ჯაჭვლიანი უხელმძღვანელებს.
"უკვე ძალიან სასაცილოა და ძალიან კომიკურია ჩვენს ქვეყანას რომ არ ეხებოდეს, ძალიან კომიკურ ფორმებს იღებს ბევრი რამ, რაც ამ ბოლო კვირების განმავლობაში ხდება”, - განაცხადა თინა ხიდაშელმა.
მთის კურორტების განვითარების კომპანიაში სახელმწიფო შპს შეიქმნება, რომელსაც სოსო ჯაჭვლიანი უხელმძღვანელებს.
როგორც პრემიერ-მინისტრმა გიორგი კვირიკაშვილმა მთავრობის დღევანდელ სხდომაზე განაცხადა, ეკონომიკის მინისტრთან ერთად, რამდენიმე დღის წინ, კურორტ თეთნულდის განვითარების გეგმა განიხილა. ამ მიმართულებით გასატარებელი ღონისძიებების ფარგლებში იგეგმება მთის კურორტების განვითარების კომპანიაში სახელმწიფო შპს-ის შექმნაც.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.