ხონში, მუნიციპალური განვითარების ფონდის დაკვეთით შ.პ.ს. „ჯ და ჯ“-მ სოფელ ჯიხაიშში 3.5 კმ-იანი საავტომობილო გზის კეთილმოწყობის სამუშაოები დაიწყო. ამის შესახებ Guardian.ge–ს ხონის მუნიციპალიტეტიდან აცნობეს.

პროექტის ფარგლებში, რომლის ღირებულებაც 1 134 000 ლარია, დაიგება ასფალტის საფარი და მოეწყობა გზის გვერდითი ნაწილები.

„წლების მანძილზე მოუწესრიგებელი გზის საფარი მოსახლეობას პრობლემას უქმნიდა. ეს არის ხონში ერთ-ერთი ყველაზე მსხვილბიუჯეტიანი პროექტი, რომელიც მოსახლეობას სერიოზულ პრობლემას მოუხსნის და ცენტრთან დაკავშირება მათთვის ბევრად მარტივი და კომფორტული იქნება“, - განაცხადა ხონის მუნიციპალიტეტის გამგებელმა ჯემალ მებუკემ.

სამუშაოების დაწყებას დღეს, ადგილობრივი ხელისუფლების წარმომადგენლები აკვირდებოდნენ. პროექტი მაქსიმუმ 5 თვეში დასრულდება.