სანდრა რულოვსის შემოსვლა ქართულ პოლიტიკაში ნამდვილად არის წინგადადგმული ნაბიჯი, - აღნიშნული განცხადება "ნაციონალური მოძრაობის" სიის პირველმა ნომერმა, დავით ბაქრაძემ პარტიის საარჩევნო სიის ოცეულის წარდგენისას გააკეთა.

”ეს არის დადებითი მოვლენა, პირველ რიგში, იმ ადამიანებისთვის ზუგდიდში, ვისაც საქართველოს პარლამენტში ეყოლება ძალიან კარგი მაჟორიტარი. ეს არის კარგი ამბავი ასევე სრულიად საქართველოსთვის, ვინაიდან ქალბატონი სანდრას შემოსვლა ქართულ პოლიტიკაში ნამდვილად არის წინგადადგმული ნაბიჯი. ეს არის დადებითი მოვლენა ქართული პოლიტიკისთვის და არა მხოლოდ ”ნაციონალური მოძრაობისთვის. მისი სიაში ყოფნა, მისი პირველ ათეულში ყოფნა არის ძალიან მნიშვნელოვანი, ვინაიდან ეს არის ჩვენი განაცხადი გამარჯვებაზე. ეს არის წინგადადგმული ნაბიჯი გამარჯვებისკენ და იმისკენ, რომ 8 ოქტომბრის არჩევნების შემდეგ ამ გუნდით, კომპეტენტური, მცოდნე და მოტივირებული ადამიანების გუნდით დავიწყოთ ხალხის პრობლემების გადაჭრა ”, - განაცხადა ბაქრაძემ.

"ნაციონალურმა მოძრაობამ" დღეს პარტიული სიის ოცეული წარადგინა. საარჩევნო სიაში ადგილები ასე გადანაწილდა:


1. დავით ბაქრაძე; 2. სანდრა რულოვსი; 3. ელენე ხოშტარია; 4. რომან გოცირიძე; 5. ნიკა მელია; 6. გიორგი ტუღუში; 7. ოთო კახიძე; 8. სალომე სამადაშვილი; 9. ირაკლი აბესაძე; 10. სერგი კაპანაძე; 11. სერგო რატიანი; 12. გიორგი კანდელაკი; 13. ლელა ქებურია; 14. აკაკი ბობოხიძე; 15. გიგა ბოკერია; 16. თენგიზ გუნავა; 17. ირმა ნადირაშვილი; 18. მამუკა ჩიქოვანი; 19. თინათინ ბოკუჩავა; 20. გიორგი თევდორაძე.