იტალიაში ეროვნული გლოვის დღეა. ოთხშაბათს, 24 აგვისტოს, მთიან რეგიონში მომხდარმა ძლიერმა მიწისძვრამ თითქმის 300 ადამიანის სიცოცხლე იმსხვერპლა.

პრემიერ მინისტრი მათეო რენცი ერთ-ერთ ყველაზე მეტად დაზრალებულ არქუატაში ჩავა და მსხვერპლთა დასაფლავებებს დაესწრება.

ოფიცილაური მონაცემებით გარდაცვლილთა რიცხვმა 278-ს მიაღწია, მათ შორის არიან უცხოელი ტურისტები - 3 ბრიტანელი, 11 რუმინელი კი დაკარგულად მიიჩნევა და დაზიანებები აქვს მიღებული 365-ს. ოთხშაბათს საღამოს შემდეგ მაშველებს არც ერთი გადარჩენილი ადამიანი არ ამოუყვანიათ ნანგრევებიდან. მიუხედავად ამისა, ხელისუფლებამ განაცხადა, რომ ისინი მანამ განაგრძობენ ძებნას, სანამ არ დარწმუნდებიან, რომ არავინ არის დარჩენილი ნანგრევებში.

მაშველები მესამე ღამეა რაც გადაპირქვავებული შენობების ნანგრევებში მოყოლილების ძებნას განაგრძობენ, თუმცა 5 000 მაშველის მცდელობას ასეულობით განმეორებითი ბიძგი აფერხებს.

იტალიის ხელისუფლებამ იმ რეგიონებში, სადაც ოთხშაბათს, 24 აგვისტოს, მიწისძვრამ მიწასთნ გაასწორა სახლები, საგანგებო მდგომარეობა გამოაცხადა.

პრემიერ მინისტრმა მათეო რენციმ პირობა დადო, რომ დანგრეული შენობების აღდგენისთვის 50 მილიონი ევრო გამოიყოფა.

თანხის გამოყოფის დამატებით, რენციმ მიწისძვრით დაზარალებული მოსახლეობისთვის გადასახადები გააუქმა და გამოაცხადა ახალი ინიციატივა, „იტალიური სახლები“, რათა უპასუხოს მშენებლობის ცუდი სტანდარტებისადმი გამოხატულ კრიტიციზმს. მაგრამ მან ასევე თქვა, რომ „აბსურდია“ იფიქრო იმაზე, რომ იტალია შეძლებს ააშენოს მთლიანად მიწისძვრის გამძლე შენობები.

რენცის განცხადება იტალიურ პრესაში გამოთქმულ კრიტიკას მოჰყვა, სადაც მაღალი რისკის ადგილებში სამშენებლო სტანდარტების დარღვევაზეა საუბარი. ზოგიერთი შენობა, რომელიც დაინგრა, ახლახან იყო აღდგენილი.