თბილისის საკრებულოს ფრაქცია „ერთიანი ნაციონალური მოძრაობის“ თავმჯდომარის, სევდია უგრეხელიძემ თქმით, საკრებულო დამოუკიდებელი დეპუტატი ალეკო ელისაშვილი „ნაციონალური მოძრაობის“ ხელისუფლებაში ყოფნის პერიოდშიც ისევე აქტიურობდა, როგორც დღეს.

აღნიშნულით უგრეხელიძე „ქართული ოცნების“ აღმასრულებელი მდივნის, ირაკლი კობახიძის განცხადებას გამოეხმაურა, რომელმაც განაცხადა, რომ  2012 წლამდე ალეკო ელისაშვილის აქტიურობა არ ახსოვს.

„საკრებულოში ყოფნის დროსაც და ვიცე-მერობის პერიოდშიც, ალეკო ელისაშვილი, როგორც ჟურნალისტი ყველა დებატებში კრიტიკის ქარცეცხლში გვატარებდა, ჩვენ მას ვედავებოდით, რომ მხარედ გამოდის და ეს დაუშვებელია. ასევე შემიძლია ვთქვა „პარტიზან მებააღეებზე“, რომლებიც ზუსტად ისეთივე ლექსიკით, ისეთივე თავგამეტებით იცავდნენ, ზოგ შემთხვევაში ჩემთვის მიუღებელ პოზიციებს. ამიტომ სასაცილოა, რომ რაღაც შემუშავებული მესიჯით „ნაციონალურ მოძრაობასთან“ ალიანსში ადანაშაულებენ ისეთ ადამიანებს, ვისთან ალიანსიც არც ერთ მხარეს არ სურს“, - განაცხადა სევდია უგრეხელიძემ.