"ირაკლი კობახიძე სანამ ბიძინა ივანიშვილმა ”ქართულ ოცნებაში” არ დასვა?!", - აღნიშნული განცხადება "ქართული ოცნების" აღმასრულებელი მდივნის საპასუხოდ ალეკო ელისაშვილმა ტელეკომპანია "იმედის" ეთერში გააკეთა.

ელისაშვილის თქმით, "მაგ ტიპთან მე სალაპარაკო აღარაფერი მაქვს. ირაკლი კობახიძე გასაგებია ჩემთვის ვინც არის. უბრალოდ, ეს ქვეყანაა ცოდო, რომ მმართველი პარტიის აღმასრულებელი მდივანია ირაკლი კობახიძე".

„დღეს ერთ-ერთ ეთერში თქვა, მე საპროტესტო აქციებს ვმართავდი და ელისაშვილი საერთოდ ხმას არ იღებდაო. რაღა ველაპარაკო?! სახელი ჟღერდა - ”ქართული ოცნების” აღმასრულებელი მდივანი და მეგონა ჭკუა მოეკითხებოდა. არაფერი სალაპარაკო არ მაქვს. მე ვფიქრობ, ჩემი და კობახიძის გარდა არის მაყურებელი, რომელსაც მინდა ვკითხო - გახსოვთ კობახიძის საპროტესტო აქციები ან ეს ბიჭი გახსოვთ საერთოდ, სანამ ბიძინა ივანიშვილმა ”ქართულ ოცნებაში” არ დასვა?! იმელის შენობას რომ ანგრევდნენ, ან მირზა შაფს, ან გუდიაშვილის მოედანს, ჩუმად ვერ ვიქნებოდი და ვერ დავჯდებოდი სახლში, მიუხედავად იმისა, რომ სოდ-ში ვმჯდარვარ, თავზე პისტოლეტი ჰქონიათ მოდებული და მეუბნებოდნენ, რომ სარდაფში ჩაგათრევთ და ოქრუაშვილი როგორც ავაჭიკჭიკეთ, ისე აგაჭიკჭიკებთო. პისტოლეტი მქონდა თავზე გადატენილი მეტეხის კლდის ნგრევას რომ ვაპროტესტებდი. ასეთი კაცი, რომელიც საერთოდ არ ჩანდა და საერთოდ ხმას არ იღებდა, გამოდის და მეუბნება - შენ რა გაგიკეთებიაო და ”ნაციონალებთან” თანამშრომლობდიო, ნამუსი არ აქვს?! დედაჩემს და ჩემ ცოლს დავალაპარაკებ, როგორი ატირებული იყვნენ, როდესაც ხელებგადაგრეხილი წამიყვანეს”, - განაცხადა ელისაშვილმა.