რუსეთის საგარეო საქმეთა მინისტრის მოადგილე გრიგორი კარასინისა და საქართველოს პრემიერ-მინისტრის სპეციალური წარმომადგენლის რუსეთ-საქართველოს ურთიერთობებში, ზურაბ აბაშიძის შეხვედრა პრაღაში შესაძლოა, 26 თებერვალს გაიმართოს. ამის შესახებ რუსეთის საგარეო საქმეთა სამინისტროს პრესსპიკერმა, ალექსანდრ ლუკაშევიჩმა განაცხადა.
"გრიგორი კარასინსა და ზურაბ აბაშიძეს შორის სატელეფონო საუბარი შედგა, რა დროსაც ისინი შეთანხმდნენ, რომ მომდევნო შეხვედრა პრაღაში თვის ბოლოს შედგება, შესაძლოა 26 თებერვალს", - განაცხადა ლუკაშევიჩმა.
როგორც საქართველოს პრემიერ-მინისტრის სპეციალურმა წარმომადგენელმა რუსეთთან ურთიერთობების საკითხებში ზურაბ აბაშიძემ მთავრობის ადმინისტრაციაში რამდენიმე დღის წინათ გამართულ პრესკონფერენციაზე განაცხადა, გრიგორი კარასინთან შეხვედრის ერთ-ერთი მთავარი საკითხი იქნება ის ხელშეკრულება, რომელიც 2011 წელს საქართველოსა და რუსეთს შორის გაფორმდა.
„ამ თვის ბოლოს კონკრეტული თარიღი დაზუსტდება, უახლოეს დღეებში გაიმართება მორიგი შეხვედრა ქართულ-რუსული არაფორმალური დიალოგის ფარგლებში. ერთ-ერთი ძირითადი საკითხი, რომელსაც იქ განვიხილავთ, გახლავთ ხელშეკრულება, რომელიც 2011 წელს გაფორმდა საქართველოსა და რუსეთს შორის. ეს არის ხელშეკრულება საქართველოს მთავრობასა და რუსეთის ფედერაციას შორის საბაჟო ადმინისტრირებისა და სასაქონლო ვაჭრობის მონიტორინგის მექანიზმთან დაკავშირებული ძირითადი პრინციპების შესახებ. ამ ხელშეკრულების იმპლემენტაციის მიზნით შერჩეულია შვეიცარიული კომპანია „ეს-ჯე-ესი“, რომელმაც უნდა დააწესოს ტვირთების გადაზიდვაზე მონიტორინგი საქართველოსა და რუსეთს შორის.
ხელშეკრულების გაფორმების შემდეგ მიმდინარეობდა მუშაობა კონტრაქტის ტექსტზე. ეს კონტრაქტი უნდა გაფორმდეს საქართველოს მთავრობასა და შვეიცარიულ კომპანიას შორის, ასევე რუსეთის მხარემაც ანალოგიური კონტრაქტი უნდა გააფორმოს შვეიცარიულ კომპანიასთან.
გათვალისწინებულია ისიც, რომ ჟენევაში ერთობლივი კომიტეტი უნდა შეიქმნას, სადაც წარმოდგენილნი იქნებიან საქართველოს, რუსეთისა და შვეიცარიის მხარეები. ის მუშაობა, რომელიც 2011 წლიდან მიმდინარეობდა, პრაქტიკულად დასრულებულია და ახლა ჩვენ უნდა შევჯერდეთ რუსულ მხარესთან, თუ როდის ვიწყებთ პრაქტიკულ იმპლემენტაციას, როდის ვაწერთ ერთობლივად კონტრაქტებს ხელს შვეიცარიულ კომპანიასთან, შემდგომ იქმნება ეს ერთობლივი კომიტეტი, რომელიც ვახსენე და ამის მერე დაიწყება ამ ხელშეკრულების პრაქტიკული იმპლემენტაცია. ამ საკითხების გასარკვევად ჩვენ შევიკრიბებით პრაღაში, ჩვენი შვეიცარიელი პარტნიორები საქმის კურსში არიან, ისევე როგორც ჩვენი ევროპელი პარტნიორები“, – განაცხადა ზურაბ აბაშიძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.