„ქართული ოცნება არის დღეს საუბედუროდ ერთადერთი, ვისაც შეუძლია დღეს ქვეყნის სტანდარტებით მართვა და სწორედ ამიტომ ვუჭერ მხარს“,- განაცხადა ყოფილმა პრემიერ მინისტრმა, ბიძინა ივანიშვილმა აჭარაში მედიასთან შეხვედრაზე.

მან ასევე აღნიშნა, რომ მას არ ჰყავს საკუთარი ჯარი, პოლიცია და არავითარი ბერკეტი არ აქვს გარდა საუბრისა.

„ქართული ოცნება“ არ არის ჩემთვის დოგმა და რაღაც პარტია, რომელზეც მე ვოცნებობ და მხოლოდ მას ვუყურებ მუხლებში. ის არის დღეს საუბედუროდ ერთადერთი, ვისაც შეუძლია დღეს ქვეყნის სტანდარტებით მართვა და სწორედ ამიტომ ვუჭერ მხარს. სააკაშვილი თავის დროზე ბევრ რამეში მადლობას მიხდიდა, მე ვეუბნებოდი მადლობას ნუ მიხდი, საშენოდ ამას არ ვაკეთებ-თქო, სანამ შენ ჩემი ქვეყნისთვის სასარგებლოდ იქცევი, სანამ პოზიტიურად მიგყავს ქვეყანა, მე შენ მხარში დაგიდგები, თუ არა - პირველი მე დაგიდგები წინ და ეს მოხდა უკვე საუბედუროდ.

„ქართული ოცნება“ და გიორგი კვირიკაშვილი დღეს ამას არანაირად არ იმსახურებენ. მაგრამ ზოგადად შემიძლია ვთქვა, თუ ეს სტანდარტები დაირღვევა, მე კარგი ანალიზი შემიძლია, ასევე შემიძლია კრიტიკულად შევაფასო სიტუაცია და არ არსებობს, რომ ვინმე დავზოგო, არ გამოვიდე და არ ვთქვა, როგორც მოქალაქემ. მე არ მყავს ჩემი ჯარი, პოლიცია, არავითარი ბერკეტი არ მაქვს გარდა საუბრისა. მე შემიძლია ტელევიზიამდე მივიდე და დავიწყო კრიტიკა“, - განაცხადა ივანიშვილმა.