საფრანგეთში, ქ. ექს-ან-პროვანსის სასამართლომ თავდაცვის ყოფილი მინისტრი დავით კეზერაშვილი კვლავ პატიმრობაში დატოვა, პროცესი კი 3 თებერვალს განახლდება, – ამის შესახებ "კვირას" მთავარ პროკურატურაში განუცხადეს.
სასამართლო დავით კეზერაშვილის საქმეზე საბოლოო გადაწყვეტილებას 27 თებერვალს მიიღებს. თუმცა, 3 თებერვალს გაირკვევა, გაათავისუფლებს თუ არა სასამართლო გირაოს სანაცვლოდ კეზერაშვილს 27 თებერვლადმე.
შეგახსენებთ, რომ კეზერაშვილი საფრანგეთში ქართული მხარის მოთხოვნით დააკავეს. მის წინააღმდეგ საქართველოში ორი სისხლის სამართლის საქმეა აღძრული. ე.წ. "რიყისა" და ტელეკომპანია "იმედის" გასხვისების საქმე, სადაც კეზერაშვილს სხვისი ქონების მართლსაწინააღმდეგოდ მითვისებას ედავებიან, ასევე კონტრაბანდული სპირტის საქმე, სადაც თავდაცვის ყოფილ მინისტრს კონტრაბანდული სქემის მფარველობაში ადანაშაულებენ. საფრანგეთის სასამართლოში კეზერაშვილის ინტერესებს ადგილობრივი ადვოკატები იცავენ.
პატიმრობაში მყოფი კეზერაშვილის პროცესის ამსახველი პირველი ფოტომასალა ექს-ან პროვანსის სააპელაციო სასამართლოდან საზოგადოებრივმა მაუწყებელმა გაავრცელა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.