ყოფილი პრემიერ მინისტრის, ბიძინა ივანიშვილის განცხადებით, ის ორწელიწადნახევრის განმავლობაში ყოფილ ხელისუფლებას აფინანსებდა რეალურად. ამის შესახებ ივანიშვილმა გურიაში რეგიონული მედიის წარმომადგენლებთან შეხვედრაზე განაცხადა.

ივანიშვილმა ვარდების რევოლუციის შესახებაც ისაუბრა და აღნიშნა, რომ რევოლუციას 3 ტელევიზორით უყურებდა და მას არაადეკვატური რეაქცია ჰქონდა.

„რაც შეეხება, ჩემს დამოკიდებულებას, პოლიტიკურად არ მქონდა კარგი გამოცდილება. ზედმეტად ემოციური ვიყავი. რევოლუციის დროს კარგად მახსოვს საფრანგეთში ვიყავი, სამი ტელევიზორი მქონდა დადგმული და ვუყურებდი პროცესს...

ორწელიწადნახევრის განმავლობაში მთელ ხელისუფლებას ვაფინანსებდი რეალურად. პირდაპირი მნიშვნელობით, მე სააკაშვილს არ ვეხმარებოდი და ვერც გაბედავდა, რომ ეთხოვა, რომ რამე პირადი ეთხოვა.

ჩემმა პოზიციამ მისი გამოაშკარავების პროცესი გაახანგრძლივა. პლუსია ეს თუ მინუსი, თავად გააკეთეთ დასკვნა. ძალიან მკაცრი პოზიცია მქონდა, მე მახსოვს, როგორ რეაქციებს ვაკეთებდი შეცდომებზე, იგივე 7 ნოემბერზე.

რა თქმა უნდა, დროში და რასც უფრო მეტი მქონდა, ბევრი ურთიერთობა მქონდა სააკაშვილთან. მეტ კონსულტაციებს ვაძლევდი და მეტსაც ვეხმარებოდი. ქვების სროლით მოვიდნენ, თუ გახსოვთ. ჩემი მოუმზადებლობის ბრალიც იყო ის, რომ ვცდილობდი, რომ ისეთები ყოფილიყვენენ, როგორის სურვილიც გვქონდა ჩვენ და ამ მხრივ, მათი სახის გამოჩენაში როლი მიმიძღვის. უფრო გვიან გამოჩნდნენ, რადგან ანგარიშს მიწევდნენ და ითვალისწინებდნენ, რას ვითხოვდი მათგან“,- განაცხადა ივანიშვილმა.