ნახეთ, სად ვიყავით და სად მოვედით – ოთხ წელიწადში რომ სახელმწიფო შენდებოდეს და ეკონომიკა შენდებოდეს, ყველა ასეთი იქნებოდა დღეს და აღარავინ იქნებოდა გაჭირვებული, – აღნიშნული განცხადება საქართველოს ყოფილმა პრემიერ მინისტრმა, ბიძინა ივანიშვილმა გურიაში რეგიონულ მედიასთან შეხვედრისას გააკეთა.

"ეკონომიკის აღორძინებას და ეკონომიკის აღზევებას სჭირდება დრო და ვინც იცის ეკონომიკა 15–20 წელიწადიც არ არის დიდი დრო იმისათვის, რომ ევროპის მსგავსი ეკონომიკა ავაშენოთ. უნდა გავანალაზოთ სად ვიყავით და სად მოვედით – ის რომ კრიზისია რეგიონში და ჩვენ ამ ფონზე ვართ ლიდერები. თქვენ ახლა საოცრებებს ითხოვთ – არ იფიქროთ, რომ 2030 წელში საქართველოში გაჭირვებულს ვეღარ ნახავთ", – აღნიშნა ივანიშვილმა.