„არ მგონია, რომ პრორუსული განწყობები საკმარისად მატერიალიზებულია იმისთვის, რომ სერიოზული ზეგავლენა მოახდინონ საქართველოს განვითარების ტენდენციებზე“,-განაცხადა პრემიერ მინისტრმა, გიორგი კვირიკაშვილმა საერთაშორისო კონფერენციაზე - „ევროპის ცვალებადი გეოსტრატეგიული ლანდშაფტი ვარშავის სამიტის შემდეგ“.

მისი თქმით, საქართველოში პრორუსული პოლიტიკური ისტებლიშმენტის ძალის შესახებ ინფორმაცია გადაჭარბებულია.

„საქართველოში პრორუსული პოლიტიკური ისტებლიშმენტის ძალაუფლებისა და ძალის შესახებ ინფორმაცია გადაჭარბებულია. არ მგონია, რომ პრორუსული განწყობები საკმარისად მატერიალიზებულია იმისთვის, რომ სერიოზული ზეგავლენა მოახდინონ საქართველოს განვითარების ტენდენციებზე. მაგრამ ჩვენ არ უნდა უკუვაგდოთ რუსული პროპაგანდის ფაქტორი და კომუნიკაციების კომპანიაში გავითვალისწინოთ ეს, მაგრამ ასევე არ უნდა გავაზვიადოთ ის პოტენციალი, რაც დაკავშირებულია პრორუსულ ძალებთან“, - განაცხადა გიორგი კვირიკაშვილმა და დასძინა, რომ ჩატარებულია სხვადასხვა კვლევა, რომელთა შორის ზოგი მეტად სანდოა, ზოგი ნაკლებად, მაგრამ ყველა მათგანი აჩვენებს, რომ პრორუსულ ძალებს არ აქვთ მნიშვნელოვანი ეფექტი საქართველოს მოსახლეობაზე და მის განწყობებზე.