პირველი შეცდომა მაშინ დაუშვა "ქართულმა ოცნებამ", როდესაც ყველაფრის საზომად გამოიყენა ძალიან ცუდი წლები, – აღნიშნული განცხადება საქართველოს თავდაცვის ყოფილმა მინისტრმა და "რესპუბლიკური პარტიის" ზესტაფონის მაჟორიტარი დეპუტატობის კანდიდატმა, თინა ხიდაშელმა "რუსთავი 2"–ის გადაცემა "არჩევანში" გააკეთა.
ხიდაშელმა ქვეყანაში არსებული კრიმინოგენული ვითარება შეაფასა და აღნიშნა, რომ შს მინისტრი გიორგი მღებრიშვილი არ გრძნობს პასუხისმგებლობას არსებულ მდგომარეობასთან დაკავშირებით.
"ქართული ოცნება" დღესაც ამ პოლიტიკას აგრძელებს. ის გვთავაზობს ორ პოლარულ სამყაროს, სადაც ძალიან ცუდზე რევანშის აღებას ცდილობს. ჩვენ ეს რევანში 2012 წელს უკვე ავიღეთ. 2012 წელს ყველაფერი ცუდის გამო უთხრა "ნაცნოძრაობას" ქართველმა ხალხმა უარი. 2013–2016 წლებში "ქართული ოცნება" ისევ იმ ენაზე გვესაუბრება. სტატისტიკა ცუდი მეგობარია, როდესაც მთელი ქალაქი დაზაფრულია და ითხოვს პასუხებს. ჩვენ მოვისმინეთ დღეს შს მინისტრის ძალიან დაგვიანებული პრესკონფერენციაც. როდესაც მთელი ქვეყანა ფეხზე იდგა დემურ სტურუას თვითმკვლელობის გამო, მისი დედის ცემის გამო, დღეს გვეუბნება შს მინისტრი პირველ სიტყვას.
იცით რატომ? ის არ გრძნობს პასუხისმგებლობას და არ განიცდის ამას. ის არ თვლის, რომ ამ ხალხის მინისტრია. ის ერთი ადამიანის დანიშნული მინისტრია და ეს მუდამ ასე იქნება. შინაგან საქმეთა მინისტრები მუდამ ასეთები იქნებიან საქართველოში, სანამ არ დასრულდება ეს მანკიერი წესები ქვეყანაში ხალხთან პასუხისმგებლობის არმქონე ადამიანების. ჩვენ რომ სხვანაირი შს მინისტრი გვყავდეს, რომელსაც ეცოდინება რომ ხვალ მისი ბედი ხალხზე ჰკიდია, ის გაცილებით უფრო ადეკვატური იქნებოდა", – განაცხადა ხიდაშელმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.