პარტიების ფინანსური საქმიანობის მონიტორინგის სამსახურის ცნობით, აგვისტოში პარტია „ქართულ ოცნებას“ თანხა 13-მა იურიდიულმა პირმა შესწირა. აქედან 4-მა კომპანიამ მმართველი გუნდის ანგარიშზე 120 000 -120 000 ლარი გადარიცხა, 3-მა - 100 000 – 100 000 ლარი, 1-მა 80 000 ლარი, დანარჩენ შემთხვევაში კი „ქართული ოცნების“ სასარგებლოდ გაღებული შემოწირულების ოდენობა 30 000 ლარს, 15 000 ლარს, 10 000 ლარს და 5 ათას ლარს შეადგენს.

„ქართული ოცნება - დემოკრატიული საქართველოს“ შემომწირველი იურიდიული პირები არიან: შპს „ჯი-ემ-პი“ – 120 000 ლარით, Georgian Travel Group – 30 000 ლარით, შპს „გაგრა +“ – 120 000 ლარით, შპს „მისო ლიდერ კრედიტი“ – 120 000 ლარით, შპს „პრაიმი“ – 100 000 ლარით, შპს. Dar Building – 100 000 ლარით , შპს „გეოგრანდ ბეთ“ – 100 000 ლარით, შპს. „კოკა-კოლა ბოთლერს ჯორჯია“ – 30 000 ლარით, შპს „თ და რ დისტრიბუშენ“ – 15 000 ლარით, შპს. „თ.რ დისტრიბუშენ აჭარა“ – 10 000 ლარით, შპს „თ.რ დისტრიბუშენ იმერეთი“ – 5 000 ლარით, შპს. „ნიუ ჯორჯია - 555“ – 120 000 ლარით და შპს. „ვი-აი-პი +“ – 80 000 ლარით.