საქართველოს პრეზიდენტის საპარლამენტო მდივანი ანა დოლიძე საკანონმდებლო ორგანოში პლენარული სხდომის ჩაშლას და შესაბამისად, უზენაესი სასამართლოს მოსამართლეების არჩევის საკითხის გადადებას ეხმაურება. დოლიძის განცხადებით, აღნიშნული "იმაზე მეტყველებს, თუ რა დამოკიდებულება აქვთ პოლიტიკურ ძალებს სასამართლო ხელისუფლების მიმართ".
,,უკვე მეექვსედ ჩაიშალა უზენაესი სასამართლოს მოსამართლეების არჩევის საკითხი პარლამენტში. ეს მეტყველებს იმ პოლიტიკური ძალების დამოკიდებულებაზე სასამართლო ხელისუფლების მიმართ, რომლებიც წარმოდგენილი არიან პარლამენტში. ასეთია მათ დამოკიდებულება საქართველოს იმ მოქალაქეების მიმართ, რომლებიც ელოდებიან სამართლიანი მართლმსაჯულების განხორციელებას“, - განაცხადა ანა დოლიძემ.
უზენაესი სასამართლოს მოსამართლეობის კანდიდატების, ლევან ბოძაშვილისთვის, ნონა თოდუასა და თამარ ლალიაშვილისთვის ნდობის გამოცხადების საკითხი დღევანდელი სხდომის დღის წესრიგით იყო გათვალისწინებული, თუმცა, პლენარული სესია კვორუმის უქონლობის გამო ჩაიშალა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.