ქუთაისში ბიძინა ივანიშვილის მიერ დაპირებული ტექნოლოგიური უნივერსიტეტის მშენებლობა მიმდინარე თვეში დაიწყება. ამის შესახებ პროექტის განმახორციელებელ "ქართუ ჯგუფში" განაცხადეს.
მათი ინფორმაციით, ტექნოლოგიური უნივერსიტეტი მუხრანის ტყის მიმდებარე ტერიტორიაზე აშენდება. პროექტის ღირებულება 500 მილიონი დოლარია. წინასაარჩევნო პერიოდში, 2012 წელს, ქუთაისის საუნივერსიტეტო ქალაქად ქცევის დაპირება ქუთაისელებს პირადად ბიძინა ივანიშვილმა მისცა.
"ქუთაისში დავაარსებთ საუნივერსიტეტო ქალაქს, ულტრათანამედროვე ტექნოლოგიებითა და ინფრასტრუქტურით, რომელსაც ისეთი მნიშვნელობა ექნება საქართველოში, როგორც გელათის აკადემიას ჰქონდა დავით აღმაშენებლის დროს", – განაცხადა ივანიშვილმა ოთხი წლის წინათ, ქუთაისში გამართულ ერთ–ერთ აქციაზე. საუნივერსიტეტო კომპლექსი არ იქნება ვინმეს საკუთრება. “ეს იქნება სახელმწიფო სსიპ, ისევე როგორ სამეცნიერო ცენტრი დიღომში და მიიღებს დაფინანსებას. "ქართუ" არ იქნება კერძო მესაკუთრე, იქნება მხოლოდ კერძო დამფინანსებელი “, – აღნიშნა ყოფილმა პრემიერ-მინისტრმა ბიძინა ივანიშვილმა მედია საშუალებების წარმომადგენლებთან შეხვედრის დროს.
აღნიშნულ ინფორმაციას ბიძინა ივანიშვილის ოფიციალური გვერდი ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.