მინდა კიდევ ერთხელ მივმართო ჩვენს ყველა მხარდამჭერს, ადგილობრივი ხელისუფლების წარმომადგენლებს, გააკეთონ ყველაფერი, რომ უზრუნველყონ აბსოლუტურად ერთნაირი პირობები ყველა საარჩევნო სუბიექტისთვის, - განაცხადა პრემიერ მინისტრმა, გიორგი კვირიკაშვილმა ევროკავშირში ინტეგრაციის კომისიის სხდომაზე სიტყვით გამოსვლისას.
პრემიერის თქმით, საქართველოში პოლიტიკა შეიცვალა მნიშვნელოვნად ბოლო ოთხი წლის განმავლობაში, შეიცვალა ასევე ამომრჩევლების დამოკიდებულება პოლიტიკისადმი და არჩევნებისადმი.
„ეს გამოიწვია, რა თქმა უნდა, იმ ნეგატიურმა გამოცდილებამ, რაც საქართველოში იყო 2012 წლამდე და დღეს ამომრჩეველი სხვაგვარად აფასებს ყველაფერს. სწორედ ამიტომ მინდა კიდევ ერთხელ მივმართო ჩვენს ყველა მხარდამჭერს, ადგილობრივი ხელისუფლების წარმომადგენლებს, გააკეთონ ყველაფერი, რომ უზრუნველყონ აბსოლუტურად ერთნაირი პირობები ყველა საარჩევნო სუბიექტისთვის. არ იყოს არანაირი პრეფერენციები და უზრუნველყონ თანაბარი წინასაარჩევნო გარემო. სწორედ ამიტომ, ჩვენ გვაქვს სხვანაირი ხელწერა და შეგვწევს უნარი უზრუნველვყოთ თვისობრივად სხვა წინასაარჩევნო გარემო. ჩვენ მოვიპატიჟეთ ყველაზე მეტი დამკვირვებელი საქართველოს ისტორიაში, რომ დააკვირდნენ წინასაარჩევნო პერიოდს და შეაფასონ ის ცვლილება, რომელიც დღეს არის საქართველოში.
მინდა მივმართო ჩვენს მხარდამჭერებს, რომ ძალადობა და ის მეთოდები, რომელიც დაამკვიდრა წარსულში „ნაციონალურმა მოძრაობამ“, ჩვენთვის არის მიუღებელი. ჩვენ სულ სხვაგვარი ხელწერა გვაქვს. დღეს ჩვენი ამომრჩეველი და ჩვენი მოქალაქეები სულ სხვა თვისებებს აფასებს დადებითად, ამიტომ ნებისმიერი ძალადობა, რომელსაც შეიძლება ადგილი ჰქონდეს წინასაარჩევნო პროცესში, უარყოფითად მოქმედებს მხოლოდ და მხოლოდ ხელისუფლების იმიჯზე. ამიტომ კიდევ ერთხელ მოგიწოდებთ, რომ თავი შეიკავოთ ყველანაირი კონფრონტაციისგან. ეს მხოლოდ და მხოლოდ დადებით ქულებს მოუტანს ხელისუფლებას“, - განაცხადა პრემიერმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.