გილოცავთ - "რუსთავი 2"-მა გაიმარჯვა - ბრძოლას ყოველთვის აქვს აზრი, მაშინაც კი როცა ყველა და ყველაფერი შენს წინააღმდეგ არის სახელისუფლებო აპარატში, - აღნიშნული განცხადება "რუსთავი 2"-ის გენერალურმა დირექტორმა, ნიკა გვარამიამ უზენაესი სასამართლოს მიერ ტელეკომპანიის საკასაციო საჩივრის წარმოებაში მიღებასთან დაკავშირებით, საგანგებოდ გამართულ ბრიფინგზე გააკეთა.
გვარამია უზენაეს სასამართლოს სთხოვს ტელეკომპანიის საქმე ზეპირი მოსმენით განიხილოს. მისი თქმით, უზენაესმა სასამართლომ ამ ეტაპზე "საერთო სასამართლოებისა და ქვეყნის იმიჯი გადაარჩინა".
"როცა მთელი სახელმწიფო მანქანა შენს წინააღმდეგ მუშაობს, მაინც აქვს აზრი, მაინც არსებობენ გამონაკლისები, რომლებიც წესს აუცილებლად გადაუხვევენ. სამწუხაროდ, წესი დღეს საქართველოში დაკვეთილი სასამართლო გადაწყვეტილებებია. მადლობას ვუხდი და ვულოცავ სამ მოსამართლეს გამბედაობას, რომელიც მათ გამოიჩინეს. მათ ნამდვილად მიიღეს კანონშესაბამისი გადაწყვეტილება და სხვაგვარად უბრალოდ შეუძლებელი იყო.
თუმცა, ეს გადაწყვეტილება რაც უზენაესმა სასამართლომ მიიღო, ნამდვილად არ არის უნაკლო. ჩვენ ვფიქრობთ, რომ ერთ-ერთი პუნქტი დადგენილებითი ნაწილის, არის საკმაოდ პრობლემატური. კერძოდ, უზენაესმა სასამართლომ დაადგინა ჩვენი საქმის განხილვა ზეპირი მოსმენის გარეშე. ჩვენ მივიჩნევთ, რომ სასამართლომ უნდა მისდიოს ზოგად წესს, მით უმეტეს როცა საქმე ძალიან კომპლექსურია და ძალიან მაღალი საზოგადოებრივი ინტერესის. ეს საქმე არ არის მხოლოდ დავა მხარეებს შორის, ეს საქმე არ არის მხოლოდ დავა სახელმწიფოსა და ჩვენს შორის. ეს არის საქმე, რომელიც საქართველოში აინტერესებს ასი ათასობით ადამიანს. ჩვენ ვგეგმავთ სასამართლო დარბაზებში მიმდინარე პროცესების მათთვის ჩვენებას....
ჩვენ აუცილებლად მივმართავთ უზენაეს სასამართლოს, დანიშნოს საქმის ზეპირი განხილვა და ამ განხილვაზე ჩვენ მოგვეცეს ჩვენი პოზიციების წარდგენის შესაძლებლობა, მათ შორის, მეც და იმ ადვოკატებსაც, რომლებიც გაძევებულნი იყვნენ წინა ინსტანციის სასამართლოს მიერ....
მე ვფიქრობ, რომ ეს შუამდგომლობა დაკმაყოფილების ღირსია და აუცილებლად მივმართავთ უზენაეს სასამართლოს. კიდევ ერთხელ გილოცავთ - "რუსთავი 2"-მა გაიმარჯვა. გაიმარჯვა ტელემაყურებელმა, გაიმარჯვა არასამთავრობო სექტორმა, გაიმარჯვეს პოლიტიკურმა პარტიებმა. ვგულისხმობ იმ პარტიებს, რომლებსაც თავმოყვარეობა აქვთ. უზენაესმა სასამრთლომ ამ ეტაპზე გადაარჩინა ქვეყნისა და საერთო სასამართლოების იმიჯი", - განაცხადა ნიკა გვარამიამ ბრიფინგზე.
უზენაესმა სასამართლომ "რუსთავი 2"-ის საკასაციო სარჩელი წარმოებაში მიიღო. გადაწყვეტილება აღნიშნულის შესახებ სასამართლოს ვებგვერდზე გამოქვეყნდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.