სარემონტო სამუშაოების გამო, დღეს, 31 იანვარს, ელექტროენერგიის მიწოდება თბილისის რამდენიმე ქუჩას შეეზღუდება.

"თელასის" ინფორმაციით, ელექტრომომარაგების შეზღუდვა მთაწმინდის, დიდუბისა და ნაძალადევის რაიონებს შეეხება.

მთაწმინდის რაიონში 11:00 საათიდან 16:00 საათამდე შეზღუდვა ქუთათელაძის, თაბუკაშვილის, ბროსეს და ლაღიძის ქუჩების მაცხოვრებლებს შეეხება. 11:00 საათიდან 13:00 საათამდე შეზღუდვა შეეხება ბაქრაძის, მილორავას, მელიქიშვილის, ყაზბეგის და ა. მაჭავარიანის ქუჩების (ნაწილობრივ) მცხოვრებლებს.

დიდუბის რაიონში 11:00 საათიდან 16:00 საათამდე შეზღუდვა შეეხება აკაკი წერეთლის გამზირის (ნაწილობრივ) მცხოვრებლებს.

ნაძალადევის რაიონში 10:00 საათიდან 17:00 საათამდე შეზღუდვა შეეხება გურამიშვილის გამზირის (ნაწილობრივ) მცხოვრებლებს.

სარემონტო სამუშაოების დასრულების შემდეგ აბონენტებს ელექტრომომარაგება აღუდგება.