საქართველოს პარლამენტის თავმჯდომარე, დავით უსუფაშვილი აცხადებს ბიძინა ივანიშვილმა 2015 წლის აპრილში პრემიერ მინისტრობა შესთავაზა.

„2015 აწლის აპრილში ასეთი რამ შემოგვთავაზა - მე მართლა დავიღალე, მართლა მინდა წასვლაო და გვითხრა - ვხედავ ჩემი პარტიიდან ბევრი არაფერი გამოდის, ვთვლი, რომ პრემიერ მინისტრი შესაცვლელია, მაგრამ მე ვერ ვხედავ გუნდში ისეთს, ვისაც ამას ვანდობო. მე მითხრა, იქნებ დათანხმდე თუ გინდა დღესვე, თუ გინდა 6 თვეში, თუ გინდა არჩევნების შემდეგ და თქვენზე ავაწყოთ მომავალი სახელისუფლებო ცენტრი, ”რესპუბლიკურმა პარტიამ“ და „ქართულმა ოცნებამ“ ერთად წაიყვანეთ საქმეო. მე ვუთხარი, რომ ასეთი არ ხდება - არ ხდება რომ წარმატებული კომპანიის მენეჯერი სხვა კომპანიის მენეჯერად გადმოვიყვანოთ. პარტია „ქართულ ოცნებას“, მთავრობას და კოალიციას ვინმე „რესპუბლიკელი“, თუნდაც უსუფაშვილი ვერ გაუძღვება.

მე შევთავაზე ორი ვარიანტი და ერთ-ერთი აარჩიე-თქო. პირველი: მე წამოვალ პარლამენტიდან, თუმცა მგონია, რომ კვირიკაშვილი უკეთესი პრემიერ მინისტრია და მე შესაძლოა პარლამენტში ვიყავი უკეთესი, თუმცა ერთი პირობით, რომ თქვენც ბრუნდებით ღია და აქტიურ პოლიტიკაში, თუნდაც კოალიციის პოლიტსაბჭოს რიგითი წევრის როლში. ჩემი პირობა ეს იყო - მე ვერ შევძლებ ამ ტვირთვის ზიდვას, ისევ მივალთ იქ, სადაც ვართ ახლა, ამიტომ თქვენც გადმოდგით ნაბიჯითქო. ამაზე უარი მივიღეთ - ვარიანტი არაა, მე არ დავბრუნდებიო. მაშინ მეორე ვარიანტი ვუთხარით - კი ბატონო, თქვენ თქვენი გუნდიდან შეარჩიეთ პრემიერ მინისტრი და იმ ორ ვარიანტში, რომელიც პირადად მე ვურჩიე, ერთ-ერთი ნამდვილად იყო გიორგი კვირიკაშვილი, თქვენ ჩაატარეთ რეფორმა თქვენს პარტიაში, თქვენ გააუმჯობესეთ თქვენი პარტია და ჩვენ დავრჩებით იქ, სადაც ვართ - ვიქნებით თქვენი პარტნიორები-თქო“, - განაცხადა დავით უსუფაშვლმა "საზოგადოებრივ მაწყებელზე", სალომე ასათიანის გადაცემაში.