აშშ დოლარის ოფიციალური კურსი ლართან მიმართებაში 2.2619 ლარი გახდა. ეროვნული ვალუტა აშშ დოლართან მიმართებაში ერთ დღეში 0.0648 პუნქტით გაუფასურდა.

საქართველოს ეროვნულმა ბანკმა ლარის ახალი ოფიციალური გაცვლითი კურსი ახლახან გამოაცხადა.

ეროვნული ბანკის მიერ დოლარის ლართან მიმართებაში 25 თებერვლისთვის დაწესებული ოფიციალური გაცვლითი კურსი პრაქტიკულად შესაბამისობაში არ მოდის სავალუტო ჯიხურებსა და კომერციულ ბანკებში არსებულ კურსთან, სადაც 1 აშშ დოლარის გაყიდვის ფასი 2.40 ლარამდეა გაზრდილი.  

ეროვნული ბანკის მიერ დადგენილი ახალი ოფიციალური გაცვლითი კურსის მიხედვით , ბოლო 24 საათის განმავლობაში ლარი ევროს მიმართაც დაეცა, 0.0741 პუნქტით.

ოფიციალური გაცვლითი კურსის თანახმად, 1 ევროს შეძენა 25 თებერვლიდან 2.5573 ლარად იქნება შესაძლებელი.