გადაცემა (კლუბი) - "რა? სად? როდის?" წამყვანმა გიორგი მოსიძე განაცხადა, რომ მასთან შედგა მოლაპარაკებები "ქართულ ოცნებაში" მისი და ამ კლუბის მოაზროვნეების გაწევრიანებასთან დაკავშირებით. – გ.მოსიძე:"მოვიდა დრო, რომ მოაზროვნეები ფართოდ მოვიდნენ პოლიტიკაში. მე მზად ვარ, პარტიების დაინტერესების შემთხვევაში მივაწოდო ინფორმაცია და გავუზიარო ჩემი შეხედულებები ამა თუ იმ მოაზროვნის შესახებ". – დიახ, აი ასე! არც მეტი და არც ნაკლები, ბ–ნ მოსიძეს გადაუწყვეტია, რომ "იხსნას" ქართული პოლიტიკური სპექტრი და "დააკომპლექტოს" იგი მის კლუბში, "რა? სად? როდის", "გამოჩეკილი ახალი კადრებით"! "არ ვიცი, თუ ვის ეკუთვნის ინიციატივა "ქართულ ოცნებაში", რომ ისარგებლოს ბ–ნ მოსიძის "საკადრო პოლიტიკური მომსახურებით", მაგრამ ის კი კარგად მახსოვს, რომ ბ–ნი მოსიძე "ერთხელ უკვე იყო პოლიტიკაში", კერძოდ, "ახალი მემარჯვენეების" რიგებში, თუმცა ვერაფრით დაამახსოვრა თავი ამ ამპლუაში, ქართულ საზოგადოებას! მოკლედ, ერთგვარი "დეჟავიუა" და დიდ იმედებს ნუ დაამყარებთ ამ "სიახლეზე", თორემ იმედგაცრუება საკმაოდ მწარეა, მით უმეტეს, რომ "ერთი წუთის განმავლობაში", დასმულ შეკითხვაზე სწორი პასუხის გაცემაში გაწაფული მოაზროვნეები, შეიძლება უძლურნი აღმოჩდნენ ურთულესი პოლიტიკური საკითხების წინაშე, თუნდაც არაერთი საათი, დღე და თვე იყოს მათ განკარგულებაში! რატომ? იმიტომ, რომ პოლიტიკა ისეთივე ფუნდამენტურ ცოდნას მოითხოვს, როგორც ნებისმიერი ზუსტი მეცნიერება, იგი ვერ და არ პატიობს, ზედაპირულ "იმწუთიერ ინფორმირებულობას ან შემთხვევით პასუხის გარტყმას", მოცემული პოლიტიკური ამოცანის ამოხსნისას!!..

ჯუმბერ კირვალიძე,

პოლიტოლოგი