”ერთიან ნაციონალურ მოძრაობაში" აცხადებენ, რომ სოფელ გამარჯვებაში მათი პარტიის საარჩევნო შტაბის თანამშრომლებს თავს დაესხნენ.

„რამდენიმე წუთის წინ „ქართული ოცნების“ დანით შეიარაღებული აქტივისტები სოფელ გამარჯვების „ერთიანი ნაციონალური მოძრაობის“ შტაბში შეიჭრნენ და ფიზიკურად გაუსწორდნენ შტაბის წევრ ნიკა მჭედლიძეს. საგულისხმოა, რომ თავდამსხმელები ლაშა ხაჭვანი და გივი ჩილაშვილი „ქართული ოცნების“ ის აქტივისტები არიან, რომლებიც ორი დღის წინ „ერთიანი ნაციონალური მოძრაობის“ პლაკატებს ხევდნენ. ამ შემთხვევის პარალელურად თავდამსხმელთაგან ერთ-ერთის, გივი ჩილაშვილის მამა, დაზარალებულ ნიკა მჭედლიძის დას ქუჩაში თავს დაესხა, ის ნაცემია, და ფიზიკური დაზიანებები აღენიშნება.

მივმართავ საქართველოს ხელისუფლებას და „ქართული ოცნების“ ლიდერებს, შეაჩერონ ძალადობა, რომლის ძირითადი ინსპირატორი „ქართული ოცნებაა“. მოვუწოდებ, სასწრაფოდ დააკავონ ლაშა ხაჭვანი, გიული ჩილაშვილი და აგრეთვე გიულის ჩილაშვილის მამა ვაჟა ჩილაშვილი და ამით მაინც დაამტკიცონ, რომ ერთგულები არიან ამ მემორანდუმის მიმართ. თუ ეს ყაჩაღები დარჩებიან დაუსჯელები, ამ შემთხვევაში გამოვა, რომ „ქართული ოცნება“ პირდაპირი ინსპირატორი იქნება იმ ძალადობის, რომელიც ჩვენს ქუჩებსა და პოლიტიკურ სივრცეშია. „ქართული ოცნების“ მთავარი ამოცანა და მიზანი საარჩევნო პროცესის ჩაშლაა“, - განაცხადა ნუგზარ წიკლაურმა.