არ ვიცი სად გაიხსნა 100 და 160 საწარმო საქართველოში, არც ერთ რეგიონში მსგავსი საწარმოები და დამატებითი სამუშაო ადგილები არ არის”, - განაცხადა ,„ნინო ბურჯანაძე - დემოკრატიული მოძრაობის“ ლიდერმა, ნინო ბურჯანაძემ წყალტუბოსა და ხონის მოსახლეობასთან შეხვედრისას.

,,დარწმუნებული ვარ, რომ ბევრი ადამიანი მიიღებს სწორ გადაწყვეტილებას და შემოხაზავს სამიანს. არ შემიძლია არ ვთქვა, ძალიან აღშფოთებულები არიან ადამიანები უსამართლობით, უკიდურესი გაჭირვებით, განსაკუთრებით წუხან სოციალური დახმარებების უსამართლოდ მოხსნასთან დაკავშირებით. არ ვიცი სად გაიხსნა 100 და 160 საწარმო საქართველოში, ყოველ შემთხვევაში, სადაც მე დავდივარ, არც ერთ რეგიონში მსგავსი საწარმოები და დამატებითი სამუშაო ადგილები არ არის. ადამიანებს უნდათ რუსეთთან ნორმალური ურთიერთობა, არავინ არ ლაპარაკობს ნატო-სა და ევროკავშირზე იმიტომ, რომ ყველა გლეხმა და ყველა რიგითმა მოქალაქემ იცის, რომ ეს არის აბსოლუტური ილუზია”, - განაცხადა ნინო ბურჯანაძემ.