სამტრედიის რაიონული პოლიციის ყოფილი თანამშრომელი გოდერძი თევზაძე, რომელსაც გამოძიება 22 წლის დემურ სტურუას თვითმკვლელობამდე მიყვანას ედავება, ქუთაისის ციხეში მე-6 დღეა შიმშილობს.
დაკავებულის უფლებადამცველის თქმით, მისი დაცვის ქვეშ მყოფი წაყენებულ ბრალს არ აღიარებს, რის გამოც, პროტესტის ნიშნად, მშრალი შიმშილობა აქვს გამოცხადებული.
ადვოკატის განცხადებით, არანაირი მტკიცებულება არ არსებობს, რომლის მიხედვითაც, მისი პატიმრობა გამართლებული იქნება.
დაცვის მხარის ინფორმაციით, ექსპერტიზამ სამტრედიაში გარდაცვლილი ახალგაზრდის წერილში ორი კალიგრაფიის არსებობა დაადგინა, რაც მის ავთენტურობას ეჭვქვეშ აყენებს. მათ მიაჩნიათ, რომ წერილი შესაძლოა დემურ სტურუას ძმამ, დავით სტურუამ დაწერა.
იურისტებს უპასუხეს დემურ სტურუას ოჯახის წევრებმა. მათი მტკიცებით, წერილი მთლიანად ახალგაზრდის მიერაა დაწერილი.
„ჩემს უმცროსს შვილს პოლიციასთან პრობლემა ჰქონდა, მაგრამ ამან წერა არ იცის, ეს საერთოდ არ იყო სახლში. საიდან მოიტანა ადვოკატმა, რომ ჩემი შვილი დათოს დაწერილია ეს წერილი“,- აცხადებს გარდაცვლილი სტურუას დედა ნონა ჯოჯუა.
სავარაუდოდ, დემურ სტურუამ სიცოცხლე თვითმკვლელობით 7 აგვისტოს დაასრულა. გარდაცვალებამდე მან წერილი დატოვა, სადაც სამტრედიის პოლიციის ყოფილი თანამშრომლის, გოდერძი თევზაძის მხრიდან ზეწოლაზე საუბრობდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.