ნიუ იორკსა და ნიუ ჯერსიში ბომბების აფეთქებაში ეჭვმიტანილი დაკავებულია. პოლიციასა და ტერორიზმში ბრალდებულს შორის სროლას ჰქონდა ადგილი.

28 წლის აჰმედ ხან რაჰამის დაკავებისას მიყენებული ჭრილობის გამო ახლა ოპერაცია უტარდება. ნიუ ჯერსიში, ლინდენში, ხან რაჰამის აყვანის ოპერაციისას ასევე დაზიანება მიიღო ორმა ოფიცერმა.

FBI-ს განცხადებით შაბათს მომხდარ აფეთქებებში სხვა ეჭვმიტანილი არ არსებობს.

FBI–მ ავღანეთში დაბადებულ აჰმედ ხან რაჰამისზე ძებნა კვირას გამოაცხადა. პოლიცია მანჰეტენზე ჩელსის რაიონში შაბათ საღამოს ბომბის აფეთქების საქმეზე მის დაკითხვას აპირებს.

28 წლის ეჭვმიტანილის, რომელმაც შეერთებული შტატების მოქალაქეობა ნატურალიზების გზით მოიპოვა, ბოლოს ცნობილი მისამართი ელიზაბეტშია დაფიქსირებული.

ბომბმა 29 ადამიანი დააზიანა, რომლებიც იმ დღესვე გამოწერეს საავადმყოფოდან. აფეთქების ადგილას, ახლოს ასევე ნაპოვნი იქნა სხვა მოწყობილობაც, რომელიც არ ამოქმედებულა.

ნიუ იორკის მილიონობით მცხოვრებმა პოლიციისაგან სატელეფონო შეტყობინება და ფოტოსურათი მიიღო, სადაც მოქალაქეებს დახმარებას თხოვენ. "ვინც კი ამ ინდივიდს ნახავს, ან იცის რაიმე მის შესახებ ან მისი ადგილმდებარეობის თაობაზე, უნდა დარეკოს პოლიციაში დაუყოვნებლივ", – განაცხადა ნიუ იორკი მერმა ბილ დე ბლასიომ CNN –ის ეთერში.