ყოფილი პრემიერ მინისტრ ბიძინა ივანიშვილის თქმით, „ნაციონალური მოძრაობა“ არის კორცხელის ინციდენტის მსგავსი პროვოკაციების სპეციალისტი.

ამის შესახებ მან ჟურნალისტებთან საუბრისას განაცხადა და აღნიშნა, რომ გამოძიება ჯერ დასრულებული არ არის, თუმცა საზოგადოებისთვის გარკვეულია და ფოტოებზეც კარგად ჩანს ვინ მიიტანა იქ ხელკეტები.

„ჩემი აზრით, მიუხედავად იმისა, რომ პირველ რიგში ხელისუფლებაა ვალდებული აღკვეთოს მსგავსი ღონისძიებები და პრევენციებიც გაატაროს, ვერ დავმალავთ იმას, რომ „ნაციონალური მოძრაობა“ არის ასეთი პროვოკაციების სპეციალისტი. მე არ მგონია, რომ ეს მოხდა ბუნებრივად, ძალიან დიდი და საფუძვლიანი ეჭვია, რომ ინსცენირებული იყო მათი მხრიდან“, - განაცხადა ბიძინა ივანიშვილმა.