ყოფილი პრემიერ მინისტრის ბიძინა ივანიშვილის განცხადებით, სამწუხაროდ, „ქართულ ოცნებას“ ალტერნატივა არ აქვს.

ამის შესახებ ყოფილმა პრემიერმა კახეთში, მედიის წარმომადგენლებთან შეხვედრაზე განაცხადა.

ივანიშვილის თქმით, იმიტომ რომ პარლამენტი მრავალპარტიული იყოს, ამის გამო ის მოსახლეობას ვერ მოუწოდებს, რომ ხმა მისცენ „ლეიბორისტებს“, „რესპუბლიკელებს“ და პაატა ბურჭულაძის პარტიას.

„სამწუხაროდ, არჩევანი გვაქვს ძალიან მწირი, ისევე როგორი მწირი ეკონომიკაც გვაქვს ჩვენ დღეს, ყველა დანარჩენი საზოგადოების ნაწილი შესატყვისობაშია ამ ეკონომიკასთან, შესატყვისობაშია მედია, როგორ უჭირს რეგიონულ მედიას განსაკუთრებით, ხელოვნების მუშაკებს ძალიან უჭირთ, პოლიტიკაშიც ასეთივე სიმწირეა.

არჩევანი არის ძალიან ცოტა. დღეს „ქართულ ოცნებას“ ალტერნატივა არ აქვს. იმიტომ რომ იყოს მრავალპარტიული და იყოს კოალიციური მთავრობა და ამისთვის ვთქვათ ნათელაშვილს შევუძღვეთ და გინდაც „რესპუბლიკელებს, რომლებმაც ძალიან ცუდი პარტნიორობა აჩვენეს, რომელთაც პრეტენზია აქვთ და ასევე შევუძღვეთ ახალ პარტიას, მომღერალი მოგვივიდა და ნახეთ რა ფოკუსებს გვიტარებს პოლიტიკაში, პაატა ბურჭულაძე მაქვს მხედველობაში, იმიტომ რომ მრავალპარტიულობის მოსურნეა ივანიშვილი და მოუწოდოს, რომ ესენიც არ არიან ცუდი ბიჭები, ცოტა ბურჭულაძეს მიეცით, ცოტა „რესპებს“ მიეცით, ცოტა „ლეიბორისტებს“ მიეცით და ამით ქვეყანა აყვავდება, არ არის სამწუხაროდ ასე.

ვისაც მინდა ხელი შევუწყო ამას არგუმენტებით ვასაბუთებ. „ქართულმა ოცნება“ აჩვენა საოცრება, უფსკრულს მივექანებოდით, პატრიარქს მაინც დაუჯერეთ, ჩემი თუ არ გჯერათ. პატრიარქის სიტყვებს გეუბნებით, ცოტაც და გადავიჩეხებოდით, უფსკრულის პირას ვიდექით პატრიარქი ამბობს ამას. 4 წლის შემდგომ გამოვდივართ და ადამიანზე დაფუძნებულია ყველა დემოკრატიული ინსტიტუტი, ადამიანის თავისუფლებაზე. დემოკრატიული ინსტიტუტების განვითარებით 4 წლის შემდგომ უფსკრულის პირას მყოფი ქვეყანა დღეს რეიტინგებით ევროკავშირის ქვეყნებს ვედრებით და ძალიან ხშირად ძალიან ბევრ საკითხში ნახევარს ვუგებთ. ეს გააკეთა „ქართულმა ოცნება“. საუკეთესო ლიდერი შეარჩიეს კვირიკაშვილის სახით. ეს კაცი არათუ კანონებს ექვემდებარება, არამედ მორალს ექვემდებარება. ვინ შევადარო, როგორ შევადარო, რომ არ არის შედარებადი?!

კარგი იქნებოდა, რომ შემეძლოს ამ 4 პარტიაზე საუბარი, რომ არჩევანი ეს არაა და ეს არა, ესა და კარგი იქნებოდა, რეალობა ასეთია და ნუ შფოთავენ ოპონენტები ტყუილად, რომ მათ გარეშე არაფერი გაკეთება, ისე კარგად გაკეთდება, რომ მზე მაღლა იქნება, ძალიან კარგად იქნება. პარალელებს რომ ავლებენ საკუთარ თავს მოსთხოვონ პასუხი, გასული არიან ზონიდან“,-განაცხადა მან.