„შემდეგ ბიუჯეტში სოციალური არ უნდა გაიზარდოს, განათლებაზე მეტი პროცენტი უდნა დავხარჯოთ და უნდა მოვახერხოთ განათლებული საზოგადოება გვყავდეს და ამავე დროს გაჭირვებული საზოგადოება არ უნდა დავივიწყოთ“,-განაცხადა ყოფილმა პრემიერ მინისტრმა, ბიძინა ივანიშვილმა კახეთში, მედიის წარმომადგენლებთან შეხვედრაზე.

მისი თქმით,  ვერავინ იტყვის, რომ ხელისუფლება სოციალური მიმართულებით არაფერს აკეთებს.

„ჩვენი ბიუჯეტი არის სოციალურად მიმართული ბიუჯეტი. მეც კი როდესაც 760 მილიონი აღმოვაჩინე დამატებით, რომლის ეკონომიაც გააკეთა ბიუროკრატიის შენახვაზე 3 წლის განმავლობაში ახალმა ხელისუფლებამ და 760 მილიონი დაზოგა. არსად არ მომისმენია არავისგან. არცერთ მინისტრს არ უთქვამს. ეს თანხა უზარმაზარია, ეს ფული სულ სოციალურად წავიდა ან ჯანდაცვაში ან დევნილების დახმარებაზე, თვითონ ბიუჯეტი სოციალურად დაუცველების 3-ჯერ გაიზარდა. 27 მილიონი იყო და 85 გახდა. ვერ ვიტყვით იმას, რომ ხელისუფლება ყურადღებას არ აქცევს, ვერ ვიტყვით, რომ ეს მიმართულება შეცვალა, პირიქით, შემდეგ ბიუჯეტში სოციალური არ უნდა გაიზარდოს, განათლებაზე მეტი პროცენტი უდნა დავხარჯოთ და უნდა მოვახერხოთ განათლებული საზოგადოება გვყავდეს და ამავე დროს გაჭირვებული საზოგადოება არ უნდა დავივიწყოთ“,-განაცხადა ივანიშვილმა.