ეროვნულმა ბანკმა ლარის დოლართან მიმართებაში ახალი ოფიციალური გაცვლითი კურსი დაადგინა.

26 თებერვლისთვის 1 აშშ დოლარი 2.2635 ლარი ეღირება. გუშინდელი დადგენილი კურსი კი 2.2619 -ს შეადგენდა. რაც შეეხება ევროს, ის 0.0102 პუნქტით გამყარდა და 1 ევროს ფასი ხვალიდან 2. 5675 ლარი იქნება.

აღსანიშნავია, რომ გუშინ და დღეს დილით, მიუხედავად იმისა, რომ ეროვნული ვალუტის ოფიციალური გაცვლითი კურსი 2.2619 იყო, სავალუტო ჯიხურებსა და კომერციულ ბანკებში 1 აშშ დოლარის ფასი 2.4 ლარსაც კი სცდებოდა.

საქართველოს ეროვნული ბანკის პრეზიდენტის, გიორგი ქადაგიძის, მთავრობის წევრებისა და მსხვილი ბიზნესმენების მიერ დღეს გაკეთებულმა ოპტიმისტურმა განცხადებებმა იმასთან დაკავშირებით, რომ ლარის კურსის დასტაბილურება ახლო მომავალში დაიწყებოდა, პირველი დადებითი შედეგი უკვე გამოიღო, თუმცა ძნელი სათქმელია რამდენ ხანს გასტანს ეს ტენდენცია.