China Southern Airlines-მა პეკინსა და თბილისს შორის, 23 სექტემბერს პირველი პირდაპირი რეისი განახორციელა. აღნიშნულთან დაკავშირებით, თბილისის აეროპორტში საზეიმო მიღება გაიმართა. ღონისძიებას, ჩინეთის ელჩი საქართველოში, China Southern Airlines -ის, აეროპორტების გაერთიანებისა და "ტავ ჯორჯიას" წარმომადგენლები დაესწრნენ.

თბილისის აეროპორტის ადმინისტრაციის ცნობით, ჩინური ავიაკომპანია რეგულარულ ფრენებს კვირაში ორჯერ, სამშაბათსა და პარასკევს, ბოინგ B737-B738 და B752 ტიპის ავიახომალდებით შეასრულებს. პეკინსა და თბილისს შორის საჰაერო მიმოსვლა ქალაქ ურუმჩის გავლით განხორციელდება. ამ დრომდე China Southern Airlines ავიარეისებს თბილისი - ურუმჩი - ლანჟოუს მიმართულებით ასრულებდა.

ჩინური ავიაკომპანია China Southern Airlines 1988 წელს დაფუძნდა. დღეისათვის ავიაკომპანია ფრენებს 35 ქვეყანაში, 193 სხვადასხვა მიმართულებით ახორციელებს.