"ქართული ოცნება – დემოკრატიული საქართველოს" გენერალური მდივანი და პარტიის საარჩევნო შტაბის ხელმძღვანელი კახა კალაძე „ნაციონალური მოძრაობის“ მოწოდებას, დაასახელოს თბილისში აქციის გამართვის თარიღი, ეხმაურება და აცხადებს, რომ „ქართული ოცნება“ თბილისში აქციის გამართვას არ გეგმავს.
„ნაციონალური მოძრაობა“ თუ აპირებს, ამასთან დაკავშირებით თვითონ გააკეთოს განცხადება. „ქართულ ოცნებას“ არ გაუკეთებია არანაირი განცხადება, რომ რაიმე შეკრებას გეგმავს. მაშინ, როდესაც არჩევნებამდე დარჩენილია 13-14 დღე, ვფიქრობ, არ არის მიზანშეწონილი, ასეთი შეკრება. გუნდში არ ყოფილა ამაზე მსჯელობა“, - განაცხადა კალაძემ.
კალაძემ „რუსთავი 2“-თან საუბარში, მეწარმეებისადმი პარლამენტის თავმჯდომარის, დავით უსუფაშვილის მიმართვაზე გააკეთა მცირე კომენტარი.
„0,3 პროცენტიანი პარტიის აბსურდულ განცხადებაზე, ვფიქრობ, პასუხის გაცემა არ არის მიზანშეწონილი“, - განაცხადა კალაძემ.
უსუფაშვილი მეწარმეებს თხოვნით მიმართავს, აღარასდროს გააკეთონ პოლიტიკური არჩევანი ”პოლიტ კორექტულობის” გადმოსახედიდან. იგი აღნიშნავს, რომ ბიზნესმენებმა ხმა უნდა მისცენ იმ პარტიას და ლიდერს, ვინც ყველაზე უკეთ ეხმიანება არა დღევანდელ ბიზნესინტერესებს, არამედ ხვალინდელ მშობლიურ ინტერესებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.