ევროკავშირისა და საქართველოს ორმხრივი დღის წესრიგის პრიორიტეტები, აღმოსავლეთ პარტნიორობის რიგის სამიტთან დაკავშირებული მოლოდინები და რეგიონულიუსაფრთხოების საკითხები განიხილეს საქართველოს პრემიერ-მინისტრმა და ევროპული საბჭოს პრეზიდენტმა დღეს გამართულ შეხვედრაზე.
ირაკლი ღარიბაშვილმა და დონალდ ტუსკმა ერთმანეთს გაუზიარეს შეხედულებები რეგიონსა და საქართველოში უსაფრთხოებასთან დაკავშირებულ სიტუაციაზე, ასევე იმ მნიშვნელოვან როლზე, რომელსაც ევროკავშირი არსებულ გამოწვევებთან ბრძოლის კუთხით ასრულებს.
საქართველოს პრემიერ-მინისტრმა შეშფოთება გამოთქვა უკრაინის კრიზისის გამო, რომელიც ევროპის კონტინენტზე უსაფრთხოებასთან დაკავშირებულ მდგომარეობას ამძიმებს და აღნიშნა, რომ ის წარმოადგენს რუსეთის აგრესიული პოლიტიკის გაგრძელებას, რომელიც 2008 წლის აგვისტოში, საქართველოს წინააღმდეგ ომით დაიწყო.
მთავრობის მეთაურმა აღნიშნა, რომ საქართველოს სურვილია, გახდეს წარმატებული მაგალითი რეგიონში და მიაღწიოს არსებით წინსვლას ვიზის ლიბერალიზაციის მიმართულებით, რიგის აღმოსავლეთ პარტნიორობის სამიტზე.
ირაკლი ღარიბაშვილმა ევროპული საბჭოს პრეზიდენტს კიდევ ერთხელ დაუდასტურა, რომ საქართველოს ევროპული და ევროატლანტიკური ინტეგრაციის პროცესი შეუქცევადია და ის ქართველი ხალხის ეროვნულ არჩევანს წარმოადგენს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.