„ჩვენ გვინდა მოვუწოდოთ ივანიშვილს და მის გარემოცვას, არჩევნებში მარცხის შემდეგ, მათ არ უნდა დატოვონ საქართველო, ისინი უბრალოდ, უნდა გადავიდნენ ოპოზიციაში“,-განაცხადა „ნაციონალური მოძრაობის“ ერთ-ერთმა ლიდერმა, გიგა ბოკერიამ დღეს გამართულ ბრიფინგზე.
მისი თქმით, აღნიშნული სჭირდება ქვეყნის ნორმალურ განვითარებას.
ამ განცხადებით, გიგა ბოკერია ინტერნეტში, სავარაუდოდ, საქართველოს ყოფილი პრეზიდენტის, ოდესის ოლქის გუბერნატორის, მიხეილ სააკაშვილისა და „ნაციონალური მოძრაობის“ წევრების საუბრის აუდიოჩანაწერის გავრცელებას გამოეხმაურა.
„ყველასთვის ნათელია როგორ პანიკას, შიშს, აგონიას და ისტერიკას აქვს ადგილი ივანიშვილისა და მისი გარემოცვის მხრიდან მომავალი მარცხის გამო არჩევნებში. ჩვენ გვინდა მოვუწოდოთ ივანიშვილს და მის გარემოცვას, არჩევნებში მარცხის შემდეგ, მათ არ უნდა დატოვონ საქართველო, ისინი უბრალოდ, უნდა გადავიდნენ ოპოზიციაში. ეს მნიშვნელოვანია არა იმიტომ, რომ ეს კარგია „ოცნებისთვის“ და გვჭირდება ჩვენ, „ნაციონალურ მოძრაობას“ მით უმეტეს, ეს სჭირდება ჩვენი ქვეყნის ნორმალურ, ევროპულ განვითარებას. ნორმალურ, ევროპულ ქვეყნებში ხელისუფლებები არჩევნებში მარცხის შემდეგ დევნილობაში კი არ მიდიან ან, მით უმეტეს, ციხეში, უბრალოდ, ოპოზიციაში გადადიან“,-განაცხადა „ნაციონალური მოძრაობის“ ერთ-ერთმა ლიდერმა.
გიგა ბოკერიამ ასევე აღნიშნა, რომ ბიძინა ივანიშვილის და მისი გუნდის არჩევნებში დამარცხების შემდეგ, მათზე სისხლის სამართლებრივი დევნა არ უნდა განხორციელდეს.
„ჩვენი პოლიტიკური გუნდის ხელმძღვანელობაში არის სრული კონსენსუსი, რომ მიუხედავად ამ წლების განმავლობაში, ივანიშვილის და მისი გუნდის მიერ ჩვენი აზრით, ჩადენილი არაერთი დანაშაულისა, არ ვგულისხმობ მკვლელობას და რამე ისეთ მძიმე დანაშაულს, არჩევნებში მათი გარდაუვალი მარცხის შემდეგ არ უნდა განხორციელდეს სისხლის სამართლებრივი დევნა. ეს სჭირდება ქვეყანას“,-განაცხადა ბოკერიამ.
„ნაციონალური მოძრაობის“ ერთ-ერთი ლიდერის განცხადებითვე, 2016 წლის 8 ოქტომბერს ბიძინა ივანიშვილის მარცხის შემდეგ „ნაციონალური მოძრაობა“ მეორედ შეცვლის მშვიდობიანად, არჩევნების გზით ხელისუფლებას.
„2012 წელს ჩვენს ისტორიაში პირველად მოხდა არჩევნების გზით ხელისუფლების შეცვლა. ეს ჩვენთვის ძალიან უსიამოვნო იყო, ჩვენ დავმარცხდით, მაგრამ ეს იყო აუცილებელი ქვეყნის დემოკრატიული განვითარებისთვის, იმიტომ რომ როდესღაც ხელისუფლება უნდა შეცვლილიყო არჩევნების გზით. ეს ტესტი საქართველომ მაშინ ჩააბარა, მაგრამ ახალმა ხელმძღვანელობამ და ივანიშვილმა და მისმა გუნდმა ვერ ჩააბარა მეორე ტესტი მნიშვნელოვანი დემოკრატიის, რომ შეგუებოდნენ იმას, რომ ყოფილი ხელისუფლება და ახალი ოპოზიცია არის ბუნებრივი ნაწილი მომავალი პოლიტიკური ცხოვრების, მინიმუმ შემდეგ არჩევნებამდე.
2016 წლის 8 ოქტომბერს ივანიშვილის მარცხის შემდეგ, ჩენ მეორედ შევცვლით მშვიდობიანად და არჩევვნების გზით ხელისუფლებას და საქართველო ამ მეორე ტესტსაც ჩააბარებს. ჩვენ გვეყოლება ყოფილი ხელისუფლება ოპოზიციაში და არა ციხეში და დევნილობაში“,-თქვა მან და დასძინა, რომ ცუდი იქნება ქვეყნისთვის თუ ისინი გაიქცევიან.
„მათ მიმართ რამე სიმპათია კი არ გვალაპარკებს, უბრალოდ, ცუდია ქვეყნისთვის“,-განაცხადა ბოკერიამ.
ინტერნეტში, სავარაუდოდ, საქართველოს ყოფილი პრეზიდენტის, ოდესის ოლქის გუბერნატორის, მიხეილ სააკაშვილისა და „ნაციონალური მოძრაობის“ წევრების საუბრის აუდიოჩანაწერი გავრცელდა. კერძოდ კი აუდიოჩანაწერში, მიხეილ სააკაშვილი, აკაკი ბობოხიძე, ირმა ნადირაშვილი, ნუგზარ წიკლაური, პეტრე ცისკარიშვილი, აკაკი მინაშვილი და გიგი წერეთელი ფიგურირებენ და სახელმწიფო გადატრიალების გეგმას განიხილავენ. ჩანაწერის ნამდვილობა ჯერჯერობით არ დადასტურებულა.
"რევოლუციური სცენარი უნდა... გამოვიყურებით როგორც დამარცხებულები და ამიტომ ბევრი ხალხის მობილიზება გვჭირდება... ვისაც კოალიციებისთვის უნდა მომზადება, მოემზადოს. მე არანაირი სურვილი არ მაქვს, მაგისთვის არ ვიბრძვი“, - აცხადებს სააკაშვილი.
პეტრე ცისკარიშვილი ამბობს: "აქ მოხდება კადაფი, უნდა გამოათრიონ და ჯოხით ტრ...ში უნდა მოტ...ან".
გიგი წერეთელი აცხადებს: "არჩევნები “რევოლუციურ ვითარებაში” უნდა ჩატარდეს".
აკაკი ბობოხიძე კი კარვების გაშლასა და ფინანსების დათვლის აუცილებლობაზე საუბრობს: "კარგად დავთვალოთ ფინანსები. 10 ლარი რომ დაგვიჯდეს კაცი დღეში, 2-3-თვიანი აქცია რა დაგვიჯდება 200-კაციანი, კარვებით... მე სამხედრო გადატრიალების დაგეგმვაშიც კი მაქვს მონაწილეობა მიღებული. მაგაზე სახიფათოს აწი რაღას მოვიფიქრებ?!
სახელმწიფო უსაფრთხოების სამსახურმა ინტერნეტსივრცეში გავრცელებულ აუდიოჩანაწერთან დაკავშირებით გამოძიება სახელმწიფო ხელისუფლების დასამხობად ან ხელში ჩასაგდებად შეთქმულების მუხლით დაიწყო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.