საკრებულოს თავმჯდომარის განცხადება, თბილისის საქალაქო სამსახურების უფროსების, გამგებლებისა თუ მერის მოადგილეების გადადგომასთან დაკავშირებით, ამტკიცებს ირაკლი შიხაშვილისა და საკრებულოს ,,ქართული ოცნების" პოლიტიკურად მოტივირებულ, გაუმართლებელ ახირებას, რაც საბიუჯეტო პროცესის ჩიხში შეყვანასა და საბოლოოდ თბილისში თვითმმართველობის გაუქმებას ემსახურება, – ამის შესახებ თბილისის მერიის მიერ გავრცელებულ განცხადებაშია ნათქვამი.
"თბილისის მერია მიესალმება საკრებულოს თავმჯდომარის დღევანდელ განცხადებას, რომ ბიუჯეტის დამტკიცების საკითხთან დაკავშირებით კონკრეტული ქმედებები დაიწყოს. თუმცა სამწუხაროა, რომ საკრებულოს უმრავლესობამ მხოლოდ ერთი თვის შემდეგ გაიაზრა ის პრობლემები, რაც თბილისელებს ბიუჯეტის დაუმტკიცებლობით შეექმნებათ.
თბილისის მთავრობა ერთი თვის განმავლობაში მიმართავდა საკრებულოს წევრებს, მეტი პასუხისმგებლობა გამოეჩინათ აღნიშნული საკითხის მიმართ, რათა დედაქალაქი მთავარი ფინანსური დოკუმენტის გარეშე არ დარჩენილიყო.
ჩვენ მზადყოფნას გამოვთქვამთ საკრებულოს თავმჯდომარის ამერიკის შეერთებულ შტატებში დაგეგმილი ხანგრძლივი მივლინების დროს მონაწილეობა მივიღოთ კომისიებისა და ფრაქციების მუშაობაში, შევხვდეთ საკრებულოს წევრებსა თუ საზოგადოების დაინტერესებულ ნაწილს და ნებისმიერი მათი გონივრული წინადადება გავიზიაროთ.
რაც შეეხება საკრებულოს თავმჯდომარის განცხადებას, თბილისის საქალაქო სამსახურების უფროსების, გამგებლებისა თუ მერის მოადგილეების გადადგომასთან დაკავშირებით, რომლებიც პირდაპირი წესით არჩეული თბილისის მერის მიერ დანიშნული საჯარო მოხელეები არიან, მსგავსი მოთხოვნა კვლავ ამტკიცებს ირაკლი შიხაშვილისა და საკრებულოს ,,ქართული ოცნების" პოლიტიკურად მოტივირებულ, გაუმართლებელ ახირებას, რაც საბიუჯეტო პროცესის ჩიხში შეყვანასა და საბოლოოდ თბილისში თვითმმართველობის გაუქმებას ემსახურება.
ამასთან, მოვუწოდებთ საკრებულოს თავმჯდომარესა და მათ უმრავლესობას, თუ მათ რეალურად სურთ თბილისის ბიუჯეტის დამტკიცება და არ აგრძელებენ საზოგადოების მოტყუებას, საფინანსო დოკუმენტთან დაკავშირებული შენიშვნები წერილობითი ფორმით მოგვაწოდონ, რათა კვლავ არ მოხდეს ბიუჯტის დამტკიცების პროცესის ხელოვნურად გაჭიანურება",-ნათქვამია თბილისის მერიის განცხადებაში.
საკრებულოს თავმჯდომარემ ირაკლი შიხიაშვილმა თბილისის მთავრობის გადადგომის ინიციატივა ცოტა ხნის წინათ გააჟღერა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.