პაატა ბურჭულაძე, მაღალი ალბათობით, არჩევნების შემდეგ ბლოკიდან სოლიდურ ფულს მოხსნის და არამხოლოდ პოლიტიკიდან, არამედ ქვეყნიდანაც კი წავა, - აღნიშნული განცხადება "ახალი პოლიტიკური ცენტრის - გირჩის" თავმჯდომარემ, ზურაბ ჯაფარიძემ გაზეთ "კვირის პალიტრასთან" ინტერვიუში გააკეთა.
მისი თქმით, ბურჭულაძეს არ აინტერესებს მისი ბლოკი არჩვენებში გადალახავს თუ არა ბარიერს. ჯაფარიძის შეფასებით, იგი "სამი წლის ბავშვივით იტყუება და იბლანდება საკუთარ ტყუილებში".
”ამხელა ადამიანი დგას და სამი წლის ბავშვივით იტყუება და იბლანდება საკუთარ ტყუილებში. მას უნდა სცოდნოდა, ეს თანხა ანგარიშზე რომც მქონოდა, ჩემთან და ”გირჩთან” ულტიმატუმის ენით საუბარი არ გამოვიდოდა. მეტიც, ”გირჩის” წევრებს საპარლამენტო სკამისთვის არ გავცვლიდი. ვფიქრობ, ამ ადამიანს ერთადერთი მოტივაცია აქვს - პოლიტიკაში იმისთვის მოვიდა, რომ წინასაარჩევნოდ რაც შეიძლება მეტი ფული იშოვოს. ბურჭულაძეს არც ის აინტერესებს, გადალახავს თუ არა მისი ბლოკი ბარიერს, მაღალი ალბათობით, ის არჩევნების შემდეგ ბლოკიდან სოლიდურ ფულს მოხსნის და არა მხოლოდ პოლიტიკიდან, არამედ ქვეყნიდანაც კი წავა”, - განაცხადა ჯაფარიძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.