„ამბობენ, რომ, თითქოს, მეორე ტურები ტრაგედიაა და ამ დროს, მე ვთვლი, რომ უამრავი მეორე ტური იქნება. როგორც იქნა თქვაო, „რუსთავი 2“-მა ააგორა, არადა სულ ვამბობდი, რომ იქნებოდა ბევრი მეორე ტური“,- განაცხადა ყოფილმა პრემიერმა, ბიძინა ივანიშვილმა მცხეთა-მთიანეთის რეგიონში, ბაზალეთზე მედიის წარმომადგენლებთან შეხვედრაზე.

მისი თქმითვე, ძველი ბარიერი (30%), რომ ყოფილიყო, „პირველ ტურშივე გაირკვეოდა გასარკვევი“.

„ვიღაცები ახერხებენ კრიტიკულ გამონათქვამებს, რომ მაჟორიტარების ხარჯზე უნდათ… პარტია არის აბსოლუტურად დომინანტი, დიდი უპირატესობით უგებს ყველაზე ახლოში მყოფ მიმდევარს, 2,5-ჯერ და 3-ჯერ უსწრებს. გასაგებია, რომ ის პრინციპი, რაც მაჟორიტარებთან დაკავშირებით შეიცვალა. როდესაც „ქართული ოცნება“ მოვიდა ხელისუფლებაში, 30%-ის ნაცვლად, 50% გახდა გამსვლელი. ის მეორე ტურებსაც, რასაც ამბობენ, რომ, თითქოს, მეორე ტურები ტრაგედიაა და ამ დროს უამრავი მეორე ტური იქნება მე ვთვლი. აი, როგორც იქნა თქვაო, „რუსთავი 2“-მა ააგორა, არადა სულ ვამბობდი, რომ იქნებოდა ბევრი. იქნება იმ მიზეზით, რომ უპრეცედენტო რაოდენობა ღებულობს მაჟორიტარების არჩევნებში მონაწილეობას. 8-9 კანდიდატი ღებულობს არჩევნებში მონაწილეობას.

რთული იქნება 50% მოაგროვო. ბარიერი კიდევ ასწია „ქართულმა ოცნებამ“ 30%-ის ნაცვლად. ძველი ბარიერი, რომ დაგვეტოვებინა, პირველ ტურშივე გაირკვეოდა გასარკვევი. აი ესა მიზეზი. მეორე ტურებს ხატავენ ტრაგიკულად, რომ აი ნახეთ რამდენი მეორე ტური იქნება და თვითონვე აღიარაო. ამ აღიარებაში არის დემოკრატიულობა და კარგია, რომ ეს ასე იქნება. როდესაც კოალიციამ 50%-იანი ბარიერის დაშვება მოახერხა, იქ ბევრი კითხვები იყო, რომ მეორე ტური გარკვეულ ხარჯებთან არის დაკავშირებული და ბევრი მეორე ტური შეიძლება მოსდევდეს ამას თეორიულად“,-განაცხადა ივანიშვილმა და დასძინა, რომ მეორე ტურსაც თავისი ხიბლი აქვს.

„ჩვენ გვაქვს ცოტა გამოცდილება არჩევნების და კარგია დამატებით გამოცდილებას მივიღებთ და უფრო მკვეთრად დაფიქსირდება მოსახლეობის პოზიციაც. მეორე ტურებს ნუ აკნინებენ, ძალიან კარგია, რომ იქნება ბევრი მეორე ტური“,-განაცხადა ივანიშვილმა.