„მოსკოვს არ აქვს ილუზია, რომ ამ არჩევნებში ვინმე პრორუსული ძალა გაიმარჯვებს. ამიტომ თუ მას ექნება შესაძლებლობა, ის შეეცდება არიოს სიტუაცია, არეული საქართველო მერე ძალიან მარტივად გადასაყლაპი იქნება რუსეთის მხრიდან“,-განაცხადა პარლამენტის თავმჯდომარემ, დავით უსუფაშვილმა.

მისი თქმით, ასეთ ვითარებაში, როდესაც,  „ქართული ოცნება“ და „ნაციონალური მოძრაობა“ აღვივებენ ერთმანეთის მიმართ სიძულვილს, საქართველოს მტრებისთვის ნოყიერ ნიადაგს ქმნიან სიტუაციის არევისთვის.

„როგორც უსუფაშვილმა აღნიშნა, ის არ გამორიცხავს იმას, რომ ასეთ ვითარებაში, როდესაც, ერთი მხრივ, „ქართული ოცნება“ და მეორე მხრივ, „ნაციონალური მოძრაობა“ მაქსიმალურად აღვივებენ ერთმანეთის მიმართ სიძულვილს, მოსახლეობაში ნერგავენ გათიშულობას და მოსახლეობაში არის ძალიან მაღალი ემოციური ფონი შექმნილი ორივე ამ ძალის მიერ, ეს ქმნის ნოყიერ ნიადაგს არა მხოლოდ ამავე ძალების მიერ ერთმანეთის მაპროვოცირებელი თუ თავის ამომრჩევლების მობილიზაციისთვის მიმართული, არამედ საქართველოს მტრებისთვის ნოყიერ ნიადაგს სიტუაციის არევისთვის“,-განაცხადა უსუფაშვილმა და მან ასევე დასძინა, რომ არეული საქართველო ეს არის გაცილებით ადვილი სამიზნე რუსეთისთვის.

„იმიტომაც უნდა ვიყოთ ჭკუით და არ უნდა დავუშვათ მსგავსი ამბები არავინ, რომ არ მივცეთ საშუალება ქვეყნის მტრებს ჩაერიონ ჩვენს შიდა საქმეებში“, - განაცხადა უსუფაშვილმა.