ბრიუსელში, საქართველოს საგარეო საქმეთა მინისტრის, მიხეილ ჯანელიძის და ევროკავშირის თავმჯდომარე ქვეყნის სლოვაკეთის საგარეო საქმეთა მინისტრის, მიროსლავ ლაიჩაკის ერთობლივი ბრიფინგი გაიმართება.
ბრიფინგის თემა საქართველოს ვიზის ლიბერალიზაციას შეეხება.
დღეს, ევროკავშირის წევრი ქვეყნების მუდმივ წარმომადგენელთა კომიტეტმა (Coreper) მხარი დაუჭირა საქართველოს მოქალაქეებისთვის მოკლევადიანი უვიზო რეჟიმის შემოღებას, ევროკავშირში მოგზაურობისას დარჩნენ 90 დღე 180 დღის განმავლობაში და ევროკავშირის საბჭოს თავმჯდომარე ქვეყანას მიანიჭა მანდატი ევროპარლამენტთან და ევროკომისიასთან მოლაპარაკების გასამართად ევროკავშირის შესაბამის რეგულაციაში ცვლილების საბოლოო ტექსტის შეთანხმების მიზნით.
საბჭო აღნიშნავს, რომ საქართველოსთვის ვიზის ლიბერალიზაციის ძალაში შესვლა და ახალი"შეჩერების მექანიზმის" ამოქმედება ერთდროულად უნდა მოხდეს.
ამ მანდატის საფუძველზე სლოვაკეთი, თავმჯდომარე ქვეყანა, ევროპარლამენტთან მოლაპარაკებებს დაიწყებს.
"საბჭომ დღეს საქართველოს რეფორმების გათვალისწინებით, აჩვენა თავისი მძლავრი მხარდაჭერა საქართველოს მოქალაქეებისთვის უვიზო მიმოსვლასთან დაკავშირებით. თავმჯდომარეს სჯერა, რომ დამაჯერებელი რეფორმები არის მართებული და წახალისებული. ჩვენ იმედს ვამყარებთ ევროპის პარლამენტის მხარდაჭერაზე აღნიშნული პროცესის იმგვარად დასრულებასთან დაკავშირებით, რომ საქართველოს მოქალაქეებს მიეცეთ უვიზო მიმოსვლის საშუალება რაც შეიძლება მალე", – განაცხადა პიტერ ჯოკოვიჩმა, სლოვაკეთის მუდმივმა წარმომადგენელმა ევროკავშირში და მუდმივ წარმომადგენელთა კომიტეტის პრეზიდენტმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.