ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე დარწმუნებულია რომ "ერთიანი ნაციონალური მოძრაობის" წევრის, გივი თარგამაძის მანქანის აფეთქების ფაქტთან დაკავშირებით, პასუხი ყველა კითხვას გაეცემა.
„ეს ფაქტი, რასაც გუშინ ჰქონდა ადგილი არის მიმართული ჩვენი მოქალაქეების თავისუფალი არჩევანის წინააღმდეგ და ეს უმკაცრესად იქნება დასჯილი. დარწმუნებული ვარ, რომ გამოძიება უახლოეს მომავალში პასუხს გასცემს კითხვებს”, - განაცხადა დავით ბაქრაძემ.
ბაქრაძე ამავე საკითხზე პრემიერ მინისტრის კომენტარსაც გამოეხმაურა და აღნიშნა:
"ეს იყო ძალიან მკაფიო განცხადება იმასთან დაკავშირებით, რომ ვისაც ამ ფაქტის დაგეგმვაში, ან განხორციელებაში წვლილი მიუძღვის, არ ექნება მნიშვნელობა ეს უცხო ქვეყნის მოქალაქე იქნება თუ საქართველოს,იცავს თუ არ იცავს იმუნიტეტი, სახელმწიფო გასცემს ადეკვატურ პასუხს", - განაცხადა ბაქრაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.